ಭಾರತಕ್ಕೆ ಶುಭಾರಂಭ

ಮಂಗಳವಾರ, ಜೂನ್ 18, 2019
31 °C
ಹಾಲಿ ಚಾಂಪಿಯನ್ ತಂಡ ಚೀನಾಗೆ ಭರ್ಜರಿ ಗೆಲುವು

ಭಾರತಕ್ಕೆ ಶುಭಾರಂಭ

Published:
Updated:
ಭಾರತಕ್ಕೆ ಶುಭಾರಂಭ

ಬೆಂಗಳೂರು: ವೈಷ್ಣವಿ ಯಾದವ್‌ ಮತ್ತು ಪುಷ್ಪಾ ಸೆಂಥಿಲ್ ಕುಮಾರ್‌ ಅವರ ಅಮೋಘ ಆಟದ ನೆರವಿನಿಂದ ಭಾರತ ಬಾಲಕಿಯರ ತಂಡ ವಿಜಯದ ನಗೆ ಸೂಸಿತು. ಇಲ್ಲಿನ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಫಿಬಾ 16 ವರ್ಷದೊಳಗಿನವರ ಏಷ್ಯಾಕಪ್‌ ಬ್ಯಾಸ್ಕೆಟ್‌ಬಾಲ್ ಚಾಂಪಿಯನ್‌ಷಿಪ್‌ನಲ್ಲಿ ಭಾರತ ತಂಡದವರು ಶುಭಾರಂಭ ಮಾಡಿದರು.

ಬಿ ವಿಭಾಗದ ‘ಎ’ ಗುಂಪಿನ ಪಂದ್ಯದಲ್ಲಿ ಆತಿಥೇಯರು ನೇಪಾಳ ತಂಡದವರನ್ನು 106–37 ಪಾಯಿಂಟ್‌ಗಳಿಂದ ಮಣಿಸಿದರು.

ವೈಷ್ಣವಿ ಯಾದವ್‌ ಒಟ್ಟು 23 ಪಾಯಿಂಟ್‌ಗಳನ್ನು ಕಲೆ ಹಾಕಿದರೆ ಪುಷ್ಪಾ 18 ಪಾಯಿಂಟ್ ತಂದುಕೊಟ್ಟರು. ಇವರಿಬ್ಬರಿಗೆ ಉತ್ತಮ ಬೆಂಬಲ ನೀಡಿದ ಮೋನಿಕಾ ಜಯಕುಮಾರ್‌ ಮತ್ತು ನೇಹಾ ಕಾರ್ವ ಕೂಡ ಮಿಂಚಿದರು.

ಇವರು ಕ್ರಮವಾಗಿ 13 ಮತ್ತು 10 ಪಾಯಿಂಟ್ ಕಲೆ ಹಾಕಿದರು.ಆರಂಭದಲ್ಲೇ ಎದುರಾಳಿ ತಂಡದ ಮೇಲೆ ಆಧಿಪತ್ಯ ಸ್ಥಾಪಿಸಿದ ಭಾರತ ತಂಡದವರು ಮೊದಲ ಕ್ವಾರ್ಟರ್‌ನಲ್ಲಿ 26–8ರಿಂದ ಮುನ್ನಡೆದರು. ಎರಡನೇ ಕ್ವಾರ್ಟರ್ ಮುಗಿಯುವಷ್ಟರಲ್ಲಿ ಭಾರತದ ಮುನ್ನಡೆ 49–16ಕ್ಕೆ ಏರಿತು.

ಮೂರನೇ ಕ್ವಾರ್ಟರ್‌ ಮುಗಿಯುವಾಗ ನೇಪಾಳ ತಂಡ 63 ಪಾಯಿಂಟ್‌ಗಳಿಂದ ಹಿಂದೆ ಉಳಿಯಿತು. ನಂತರ ಗೆಲುವಿನ ಔಪಚಾರಿಕತೆ ಮುಗಿಸಿದ ಭಾರತ ಕೊನೆಯ ಕ್ವಾರ್ಟರ್‌ನಲ್ಲಿ 23 ಪಾಯಿಂಟ್‌ಗಳನ್ನು ಹೆಕ್ಕಿದರು. ಬೆಳಿಗ್ಗೆ ನಡೆದ ಪಂದ್ಯದಲ್ಲಿ ಹಾಲಿ ಚಾಂಪಿಯನ್‌ ಚೀನಾ 141–32 ಪಾಯಿಂಟ್‌ಗಳಿಂದ ಹಾಂಕಾಂಗ್ ತಂಡವನ್ನು ಮಣಿಸಿದರು. ಎರಡನೇ ದಿನವಾದ ಸೋಮವಾರ ಭಾರತದ ಬಾಲಕಿಯರು ಇರಾನ್ ತಂಡವನ್ನು ಎದುರಿಸುವರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry