ಯುದ್ಧ ಕಾಲದ ಬದುಕು ಬಿಂಬಿಸುವ ಕಿರುಚಿತ್ರಗಳು

ಮಂಗಳವಾರ, ಜೂನ್ 25, 2019
29 °C

ಯುದ್ಧ ಕಾಲದ ಬದುಕು ಬಿಂಬಿಸುವ ಕಿರುಚಿತ್ರಗಳು

Published:
Updated:
ಯುದ್ಧ ಕಾಲದ ಬದುಕು ಬಿಂಬಿಸುವ ಕಿರುಚಿತ್ರಗಳು

ಯುದ್ಧ ಎಂದ ಕೂಡಲೇ ಕಣ್ಣೆದುರು ಬರುವುದು ಸಾವು, ಸೈನಿಕರು, ದ್ವೇಷ, ಉನ್ಮಾದ ಇತ್ಯಾದಿ ಇತ್ಯಾದಿ. ಆದರೆ, ಇದರಿಂದಾಚೆಗೆ ಭಯಾನಕ ಎನಿಸುವಂತಹ ವ್ಯಥೆ, ಕತೆಗಳಿರುತ್ತವೆ. ಸಾಮಾನ್ಯ ಜನರು ಅನುಭವಿಸುವ ಮತ್ತು ಸಮಾಜದ ಬೇರೆ ಮಜಲುಗಳ ಮೇಲಾಗುವ ದುಷ್ಪರಿಣಾಮ ಚಿಂತಿಸುವಂತಹದ್ದು.

ಎರಡನೇ ವಿಶ್ವಯುದ್ಧದ ಸಂದರ್ಭದಲ್ಲಿ ಸಾಮಾನ್ಯ ಜನರು ಅನುಭವಿಸಿದ ಕಾರ್ಪಣ್ಯಗಳನ್ನು ಬ್ರಿಟಿಷ್‌ ಸಿನಿಮಾ ತಯಾರಕರು ಗುರುತಿಸಿ ಕಿರುಚಿತ್ರಗಳ ಮೂಲಕ ಹಿಡಿದಿಟ್ಟಿದ್ದಾರೆ. ಅಂತಹ ಕೆಲವು ಕಿರುಚಿತ್ರಗಳನ್ನು ಇಂದು (ಅ.24) ಸೋಷಿಯಲ್‌ ಸಂಸ್ಥೆ ಪ್ರದರ್ಶಿಸಲಿದೆ.

ಯುದ್ಧಕಾಲದ ಪತ್ರಿಕೋದ್ಯಮವನ್ನು ‘ಮಾರ್ನಿಂಗ್‌ ಪೇಪರ್‌’ ಕಟ್ಟಿಕೊಟ್ಟರೆ, ಯುದ್ಧ ನಡೆಯುತ್ತಿರುವಾಗ ಲಂಡನ್‌ ನಗರದ ಸ್ಥಿತಿಗತಿ ಬಗ್ಗೆ ‘ಲಂಡನ್‌ 1942’ ಮಾಹಿತಿ ನೀಡುತ್ತದೆ. ಇನ್ನು ’ಮ್ಯಾನ್‌ ಆನ್‌ ದಿ ಬೀಟ್‌’ ಹಾಸ್ಯದ ಲೇಪನದಲ್ಲಿ ಪೊಲೀಸ್ ವ್ಯವಸ್ಥೆ ಕುರಿತ ಗಂಭೀರ ಸಂಗತಿಗಳನ್ನು ದಾಟಿಸುತ್ತದೆ.

ಆರನೇ ಕಿಂಗ್‌ ಜಾರ್ಜ್‌ನ ಸಮಾಜಮುಖಿ ಚಟುವಟಿಕೆ, ಎರಡನೇ ವಿಶ್ವಯುದ್ಧದ ಸಂದರ್ಭದಲ್ಲಿ ಎಲಿಜಬೆತ್‌ ರಾಣಿಯ ಬದುಕು ಹಾಗೂ ರಾಜಕುಟುಂಬದ ಜೀವನ ಶೈಲಿಯನ್ನು ‘ರಾಯಲ್‌ ರೋಡ್‌’ ಸಿನಿಮಾ ಕಟ್ಟಿಕೊಡುತ್ತದೆ. ಬ್ರಿಟನ್‌ನ ಹತ್ತಿ ಉದ್ಯಮದ ಬಗ್ಗೆ ‘ಕ್ವೀನ್‌ ಕಾಟನ್‌’ ಮಾಹಿತಿ ನೀಡುತ್ತದೆ. ‘ದಿ ಪೀಪಲ್ಸ್‌ ಲ್ಯಾಂಡ್‌’ ಇವುಗಳು ಇಲ್ಲಿ ಪ್ರದರ್ಶಿಸಲಾಗುತ್ತಿರುವ ಕಿರುಚಿತ್ರಗಳು.

ಸ್ಥಳ- ಚರ್ಚ್‌ ಸ್ಟ್ರೀಟ್‌ ಸೋಷಿಯಲ್‌, 46/1, ಕೋಬಾಲ್ಟ್‌ ಕಟ್ಟಡ, ಚರ್ಚ್‌ಸ್ಟ್ರೀಟ್‌ ರಸ್ತೆ. ಮಂಗಳವಾರ ಸಂಜೆ 7. ಪ್ರವೇಶ ಉಚಿತ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry