60 ಗಾಯಕರಿಂದ ವಿಧಾನಸೌಧ ಕುರಿತು ಗಾಯನ

ಮಂಗಳವಾರ, ಜೂನ್ 18, 2019
26 °C

60 ಗಾಯಕರಿಂದ ವಿಧಾನಸೌಧ ಕುರಿತು ಗಾಯನ

Published:
Updated:
60 ಗಾಯಕರಿಂದ ವಿಧಾನಸೌಧ ಕುರಿತು ಗಾಯನ

ಬೆಂಗಳೂರು: ವಿಧಾನಸೌಧದ ವಜ್ರ ಮಹೋತ್ಸವದ ನಿಮಿತ್ತ ವಿಧಾನಸೌಧ ಕುರಿತು ಖ್ಯಾತ ಸಂಗೀತ ನಿರ್ದೇಶಕ ಹಂಸಲೇಖ ಸಂಯೋಜಿಸಿರುವ ವಿಶೇಷ ಗೀತೆಯನ್ನು 60 ಗಾಯಕರು ಹಾಡಲಿದ್ದಾರೆ.

ಇದೇ 25ರಂದು ನಡೆಯುವ ವಜ್ರಮಹೋತ್ಸವದಲ್ಲಿ ಸಂಜೆ ವಿಧಾನಸೌಧದ ಪೂರ್ವದ್ವಾರದ ಮೆಟ್ಟಿಲುಗಳ ಮೇಲೆ ರಸಮಂಜರಿ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ವಿಧಾನಸೌಧ ಕುರಿತು ಹಂಸಲೇಖ ಮೂರು ಗೀತೆಗಳನ್ನು ವಿಶೇಷವಾಗಿ ರಚಿಸಿದ್ದಾರೆ.

‘ವಿಧಾನಸೌಧಕ್ಕೆ 60 ವರ್ಷ ತುಂಬಿರುವುದು ಅತ್ಯಂತ ಮಹತ್ವದ ಘಟ್ಟ. ಇದರ ಸವಿನೆನಪಿಗಾಗಿ ವಿಧಾನಸೌಧ, ಅದರ ವಾಸ್ತುಶಿಲ್ಪ, ಶಾಸಕಾಂಗ ಕುರಿತಂತೆ ಮೂರು ಗೀತೆಗಳನ್ನು ವಿಶೇಷವಾಗಿ ರಚಿಸಿ ಸಂಗೀತ ಸಂಯೋಜನೆ ಮಾಡಲಾಗಿದೆ. ಇದಕ್ಕೆ ಪೂರಕವಾಗಿ 60 ಗಾಯಕರಿಂದ ಒಂದೇ ಕಂಠದಲ್ಲಿ ಆ ಗೀತೆಗಳನ್ನು ಹಾಡಿಸಲಾಗುತ್ತಿದೆ’ ಎಂದು ಹಂಸಲೇಖ ‘ಪ್ರಜಾವಾಣಿ’ಗೆ ತಿಳಿಸಿದರು.

ರಸಮಂಜರಿಗಾಗಿ ಸಂಜೆ 6.30ರಿಂದ 7.30ರವರೆಗೆ ಸಮಯ ನೀಡಲಾಗಿದೆ. ಈ ಸಂದರ್ಭದಲ್ಲಿ ಬೇರೆ ಬೇರೆ ಸಿನಿಮಾಗಳಿಂದ ಆಯ್ಕೆ ಮಾಡಿಕೊಂಡಿರುವ 12 ಗೀತೆಗಳನ್ನೂ ಪ್ರಸ್ತುತಪಡಿಸಲಾಗುತ್ತದೆ. ಇದಕ್ಕಾಗಿ ಗಾಯಕರಿಗೆ ವಿಶೇಷವಾಗಿ ತರಬೇತಿ ನೀಡಲಾಗಿದೆ. ಸುಮಾರು 20 ಮಂದಿ ವಾದ್ಯಗಾರರೂ ಇರುತ್ತಾರೆ ಎಂದೂ ಹಂಸಲೇಖ ವಿವರಿಸಿದರು.

**

ವಿಧಾನಸೌಧ ಕುರಿತು ಹಂಸಲೇಖ ರಚಿಸಿರುವ ಗೀತೆಯ ಪಲ್ಲವಿ:

‌‘ಕರ್ನಾಟಕದ ಹೆಜ್ಜಾನಪದ

ಕನ್ನಡಿಗರ ಹೃದಯದ ಕದ

ಸುಧಾರಣೆಯ ಸುಜ್ಞಾನಸೌಧ

ವಾಸ್ತುಕಲೆಯ ಭವ್ಯಬೋಧ

ವಿಧಾನಸೌಧ

ಷಷ್ಟಬ್ಧಿಯ ವಿಧಾನಸೌಧ’

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry