‘ಸ್ಥಿರತೆ ಕಾಪಾಡಿಕೊಳ್ಳುವುದು ಮುಖ್ಯ’

ಸೋಮವಾರ, ಮೇ 20, 2019
30 °C
ಏಷ್ಯಾಕಪ್ ಗೆದ್ದ ಭಾರತ ತಂಡಕ್ಕೆ ಕೋಚ್ ಮ್ಯಾರಿಜ್‌ ಕಿವಿಮಾತು

‘ಸ್ಥಿರತೆ ಕಾಪಾಡಿಕೊಳ್ಳುವುದು ಮುಖ್ಯ’

Published:
Updated:
‘ಸ್ಥಿರತೆ ಕಾಪಾಡಿಕೊಳ್ಳುವುದು ಮುಖ್ಯ’

ನವದೆಹಲಿ: ‘ಭಾರತ ತಂಡ ಏಷ್ಯಾಕಪ್‌ನಲ್ಲಿ ಉತ್ತಮ ಆಟ ಆಡಿದೆ. ಆದರೆ ಸ್ಥಿರತೆ ಕಾಪಾಡಿಕೊಂಡು ಮುಂದೆ ಸಾಗುವ ಅಗತ್ಯ ಇದೆ’ ಎಂದು ತಂಡದ ಕೋಚ್ ಶೊರ್ಡ್‌ ಮ್ಯಾರಿಜ್ ಕಿವಿಮಾತು ಹೇಳಿದ್ದಾರೆ.

‘ನಾನು ಕೋಚ್ ಆದ ಬಳಿಕ ನಡೆದ ಮೊದಲ ಟೂರ್ನಿಯಲ್ಲಿಯೇ ಭಾರತ ಯಶಸ್ಸು ಕಂಡಿದೆ. ಇದರಿಂದ ಅತೀವ ಖುಷಿಯಾಗಿದೆ. ಹಾಕಿ ಅಭಿಮಾನಿಗಳಿಗೆ ಇದರಿಂದ ಸಂತೋಷವಾಗಿದೆ. ಆದರೆ ತಂಡ ಈಗಲೂ ಸ್ಥಿರವಾಗಿ ಆಡುತ್ತಿಲ್ಲ ಎಂಬುದು ನನ್ನ ಅನಿಸಿಕೆ. ಇದರ ಬಗ್ಗೆ ಮುಂದಿನ ದಿನಗಳಲ್ಲಿ ಹೆಚ್ಚು ಗಮನಹರಿಸುವ ಯೋಜನೆ ಇದೆ’ ಎಂದು ಮ್ಯಾರಿಜ್ ಅಭಿಪ್ರಾಯಪಟ್ಟಿದ್ದಾರೆ.

‘ಫೈನಲ್‌ನಲ್ಲಿ ಭಾರತ ತಂಡ ಮಲೇಷ್ಯಾ ವಿರುದ್ಧ ಆಡಿದ ರೀತಿ ನನಗೆ ತೃಪ್ತಿ ತಂದಿಲ್ಲ. ಸಾಕಷ್ಟು ಗೋಲು ಗಳಿಸುವ ಅವಕಾಶಗಳನ್ನು ನಮ್ಮ ತಂಡದವರು ಕೈಚೆಲ್ಲಿದರು. ಅಂತಿಮ ಕ್ವಾರ್ಟರ್‌ನಲ್ಲಿ ಭಾರತದ ಆಟಗಾರರ ಸಾಮರ್ಥ್ಯ ತಗ್ಗಿತು. ಇದರಿಂದಾಗಿ ಮಲೇಷ್ಯಾ ತಂಡ ಗೋಲು ಗಳಿಸಿ ಜಯದ ಅಂತರ ತಗ್ಗಿಸಿತು’ ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

‘ಫೀಲ್ಡ್ ಗೋಲು ದಾಖಲಿಸಿದ ರೀತಿ, ವೇಗವಾದ ಪಾಸ್‌ಗಳು ಗಮನಸೆಳೆದವು. ಮನ್‌ಪ್ರೀತ್ ಸಿಂಗ್‌ ನಾಯಕತ್ವ ನೋಡಿ ಸಂತೋಷವಾಯಿತು. ಕೊನೆಯ ಏಳು ನಿಮಿಷಗಳಲ್ಲಿ ತಂಡ ರಕ್ಷಣಾತ್ಮಕವಾಗಿ ಆಡಿತು. ಇಲ್ಲದಿದ್ದರೆ ಮಲೇಷ್ಯಾ ಗೋಲು ದಾಖಲಿಸುವ ಸಾಧ್ಯತೆ ಇತ್ತು. ಇದಕ್ಕೆ ಮನ್‌ಪ್ರೀತ್ ಆಟದ ಶೈಲಿ ಹಾಗೂ ನಾಯಕತ್ವ ಗುಣ ಕಾರಣವಾಯಿತು’ ಎಂದು ಅವರು ಹೊಗಳಿದ್ದಾರೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry