ಮಾಸ್ಕೊ: ರಷ್ಯಾದ ರೇಡಿಯೊ ಸ್ಟೇಷನ್ ಕಚೇರಿಯಲ್ಲಿ ನಿರೂಪಕಿಯ ಕುತ್ತಿಗೆ ಭಾಗಕ್ಕೆ ಇರಿದ ವ್ಯಕ್ತಿಯನ್ನು ಬಂಧಿಸಲಾಗಿದೆ ಎಂದು ಮುಖ್ಯ ಸಂಪಾದಕರು ತಿಳಿಸಿದ್ದಾರೆ.
ಕಚೇರಿಯೊಳಗೆ ನುಗ್ಗಿದ ವ್ಯಕ್ತಿಯೊಬ್ಬ ಸ್ಪ್ರೇ ಬಾಟಲ್ನಿಂದ ಭದ್ರತಾ ಸಿಬ್ಬಂದಿ ಕಣ್ಣಿಗೆ ಎರಚಿ ಈ ಕೃತ್ಯ ನಡೆಸಿದ್ದಾನೆ ಎಂದು ಮುಖ್ಯ ಸಂಪಾದಕ ಅಲೆಕ್ಸಿ ವೆನೆಡಿಕ್ಟೋವ್ ತಿಳಿಸಿದ್ದಾರೆ.
ಕಚೇರಿಯೊಳಗೆ ನುಗ್ಗಿದ ಆತ ನಿರೂಪಕಿ ತಾಟಿಯಾನ ಫೆಲ್ಗೆಂಗ್ವೆರ್ ಕುತ್ತಿಗೆ ಭಾಗಕ್ಕೆ ಚಾಕುವಿನಿಂದ ಇರಿದಿದ್ದಾನೆ. ನಂತರ ಆತನನ್ನು ಪೊಲೀಸರ ವಶಕ್ಕೆ ಒಪ್ಪಿಸಲಾಯಿತು ಎಂದರು. ಆಕೆಯ ಸ್ಥಿತಿ ಗಂಭೀರವಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿಸಿದ್ದಾರೆ.