‘ಅಮೆರಿಕದ ಆರ್ಥಿಕತೆಯು ಗಮನಾರ್ಹ ಬೆಳವಣಿಗೆ ದಾಖಲಿಸುತ್ತಿದೆ. ಅಲ್ಲಿನ ಆರ್ಥಿಕ ಬೆಳವಣಿಗೆಯು ಶೇ 2 ರಿಂದ ಶೇ 2.5ರಷ್ಟಿದೆ. ಇದು ಅಲ್ಲಿನ ಅರ್ಥ ವ್ಯವಸ್ಥೆಯ ಪಾಲಿಗೆ ಅತ್ಯುತ್ತಮ ವೃದ್ಧಿ ದರವಾಗಿದೆ. ಗಾರ್ಟ್ನರ್ ವರದಿ ಪ್ರಕಾರ, ಈ ವರ್ಷ ಐ.ಟಿ ವೆಚ್ಚವು ಶೇ 4 ರಿಂದ ಶೇ 4.5ರಷ್ಟು ಏರಿಕೆಯಾಗಲಿದೆ. ವಿಶ್ವದ ಅತಿದೊಡ್ಡ ಅರ್ಥ ವ್ಯವಸ್ಥೆ ಉತ್ತಮ ಸಾಧನೆ ತೋರುತ್ತಿರುವುದರಿಂದ ಭಾರತದ ಐ.ಟಿ ಸಂಸ್ಥೆಗಳು ತಮ್ಮ ವಹಿವಾಟು ಕೂಡ ವೃದ್ಧಿಯಾಗುವ ಬಗ್ಗೆ ಆಶಾವಾದ ತಳೆಯಬೇಕು.