2017ರ ಜನವರಿಯಿಂದ ಡಿಸೆಂಬರ್ ಅವಧಿಯಲ್ಲಿ ರಾಜ್ಯವು ಬಂಡವಾಳ ಹೂಡಿಕೆ ಯೋಜನೆಗಳನ್ನು ಕಾರ್ಯಗತಗೊಳಿಸುವಲ್ಲಿ ಶೇ 73ರಷ್ಟು ಕುಸಿತ ಕಂಡಿದೆ. ₹ 1.52 ಲಕ್ಷ ಕೋಟಿಗಳ ಹೂಡಿಕೆ ಪ್ರಸ್ತಾವಗಳ ಪೈಕಿ, ಕಾರ್ಯಗತಗೊಳಿಸಿದ ಹೂಡಿಕೆ ಯೋಜನೆಗಳ ಒಟ್ಟಾರೆ ಮೊತ್ತ ಕೇವಲ ₹ 2,455 ಕೋಟಿ ಮಾತ್ರ. 2016ರಲ್ಲಿ ₹ 1.54 ಲಕ್ಷ ಕೋಟಿ ಮೊತ್ತದ ಪ್ರಸ್ತಾವಗಳ ಪೈಕಿ ₹ 9,162 ಕೋಟಿ ಮೊತ್ತದ ಯೋಜನೆಗಳಷ್ಟೆ ಕಾರ್ಯಗತಗೊಂಡಿದ್ದವು ಎನ್ನುವುದು ಕೈಗಾರಿಕಾ ನೀತಿ ಮತ್ತು ಉತ್ತೇಜನಾ ಇಲಾಖೆಯಲ್ಲಿನ (ಡಿಐಪಿಇ) ಅಂಕಿ ಅಂಶಗಳು ತಿಳಿಸುತ್ತವೆ.