‘ಚುನಾವಣೆಯಲ್ಲಿ ಗೆಲ್ಲುವ ಭರವಸೆ’

ಬುಧವಾರ, ಜೂನ್ 26, 2019
28 °C

‘ಚುನಾವಣೆಯಲ್ಲಿ ಗೆಲ್ಲುವ ಭರವಸೆ’

Published:
Updated:

ಯಳಂದೂರು: ‘2018 ರಲ್ಲಿ ನಡೆಯಲಿ ರುವ ವಿಧಾನಸಭಾ ಚುನಾವಣೆಯಲ್ಲಿ ಕೊಳ್ಳೇಗಾಲ ಮೀಸಲು ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿಯಿಂದ ಸ್ಪರ್ಧಿಸಿ, ಶಾಸಕನಾಗಿ ಆಯ್ಕೆಯಾಗುತ್ತೇನೆ ಎಂಬ ವಿಶ್ವಾಸವಿದೆ’ ಎಂದು ಮಾಜಿ ಶಾಸಕ ಎ.ಆರ್. ಕೃಷ್ಣಮೂರ್ತಿ ಹೇಳಿದರು. ಸಮೀಪದ ಬೆಲ್ಲವತ್ತ ಹಾಗೂ ಹೊಂಗನೂರು ಹಿರಿಕೆರೆಗೆ ಭಾನುವಾರ ಬಾಗಿನ ಅರ್ಪಿಸಿ ಮಾತನಾಡಿದರು.

‘14 ವರ್ಷಗಳ ಸೋಲು ನನ್ನನ್ನು ಇನ್ನೂ ಕಾಡಿದೆ. 60ರ ದಶಕದಲ್ಲಿ ತಮ್ಮ ತಂದೆಯ ಶ್ರಮದಿಂದ ಬೆಲ್ಲವತ್ತಾ ಹಾಗೂ ಹಿರಿಕೆರೆಗಳ ನಿರ್ಮಾಣವಾಗಿದ್ದು, 16 ಗ್ರಾಮಗಳ ಕೃಷಿ ಚಟುವಟಿಕೆಗಳಿಗೆ ನೀರುಣಿಸುತ್ತಿವೆ. ನಾನು ಶಾಸಕನಾಗಿದ್ದ ಸಮಯದಲ್ಲಿ ನೀರಾವರಿ ಮಂತ್ರಿಯಾ ಗಿದ್ದ ನಾಗೇಗೌಡರನ್ನು ಒಪ್ಪಿಸಿ ಹಿರಿಕೆರೆಯಿಂದ ಏತ ನೀರಾವರಿ ಯೋಜನೆಯನ್ನು ಜಾರಿಗೆ ತರಲು ಶ್ರಮಿಸಿದ್ದೇನೆ’ ಎಂದರು.

ಕಂದಾಯ ಸಚಿವರು ಜಿಲ್ಲೆಗೆ ಬಂದಾಗ ಕಾಡಂಚಿನ ಗ್ರಾಮಗಳಾದ ಇರಸವಾಡಿ, ಸುತ್ತೂರು ಭಾಗದ ಅನೇಕ ರೈತರ ಭೂಮಿ ಅರಣ್ಯ ಪ್ರದೇಶಕ್ಕೆ ಸೇರಿದ್ದು, ಅದನ್ನು ಕಂದಾಯ ಭೂಮಿಯಾಗಿ ಪರಿವರ್ತಿಸಿ ಸಾಗುವಳಿ ಮಾಡಲು ಅನುವು ಮಾಡಿಕೊಡಬೇಕು ಎಂದು ಮನವಿ ಸಲ್ಲಿಸಬೇಕು. ಆ ಸಂದರ್ಭದಲ್ಲಿ ನಾನೂ ರೈತರೊಂದಿಗೆ ಬರುತ್ತೇನೆ ಎಂದರು.

ತಾ.ಪಂ. ಸದಸ್ಯ ಸಿ. ಮಹಾದೇವಯ್ಯ, ಜಿಪಂ. ಮಾಜಿ ಸದಸ್ಯೆ ಲಕ್ಷ್ಮಿಪುಟ್ಟಸ್ವಾಮಿ, ಗ್ರಾಪಂ. ಸದಸ್ಯ ಸಿದ್ದಬಸವಯ್ಯ, ಮಾಜಿ ಅಧ್ಯಕ್ಷ ಎಚ್.ಆರ್. ಮಹಾದೇವಸ್ವಾಮಿ ತಾ.ಪಂ. ಮಾಜಿ ಸದಸ್ಯ ಆರ್.ಮಹಾದೇವ, ನಟರಾಜು, ಮುಖಂಡರಾದ ಎನ್.ಶಿವಣ್ಣ, ವೀರಣ್ಣ, ರೇವಣ್ಣ, ಗೋವಿಂದರಾಜು, ಮರಿಸ್ವಾಮಿ, ಮಿಲ್‌ ನಾಗರಾಜು, ರಂಗಯ್ಯ, ಚಿಕ್ಕನಂಜುಯ್ಯ, ನಂಜಯ್ಯ, ರಂಗಸ್ವಾಮಿ, ಮಾದೇವ, ಶಿವನಂಜಯ್ಯ, ಜಡೇಸ್ವಾಮಿ ಹೊಂಗ ನೂರು, ಇರಸವಾಡಿ, ಮಸಣಾಪುರ ಸುತ್ತಮುತ್ತಲ ಗ್ರಾಮಸ್ಥರು ಇದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry