ಏನಾಗಿದೆ ಸರ್ಕಾರಕ್ಕೆ?

ಮಂಗಳವಾರ, ಜೂನ್ 18, 2019
23 °C

ಏನಾಗಿದೆ ಸರ್ಕಾರಕ್ಕೆ?

Published:
Updated:

ನಾವು ರಾಜಕಾರಣಿಗಳಿಗೆ ಮತ ಕೊಟ್ಟು, ಆರಿಸಿ ಕಳಿಸುವುದು ಏತಕ್ಕಾಗಿ? ಯಾರಯಾರದ್ದೋ ಜಯಂತಿ, ತಿಥಿ, ಶ್ರಾದ್ಧಗಳನ್ನು ಆಚರಿಸಿಕೊಂಡು ಕಾಲ ಕಳೆಯುವುದಕ್ಕೋ?

ವಾಲ್ಮೀಕಿ ಜಯಂತಿ, ಕನಕದಾಸ ಜಯಂತಿ, ಟಿಪ್ಪು ಜಯಂತಿ, ಬಸವ ಜಯಂತಿ... ಹೀಗೆ ಯಾವ ಮತದಾರನಿಗೂ ಮೂರುಕಾಸಿನ ಪ್ರಯೋಜನಕ್ಕೆ ಬಾರದ ರಾಶಿ ರಾಶಿ ಜಯಂತಿಗಳನ್ನು ಆಚರಿಸುತ್ತಾ ಸರ್ಕಾರ ಕಾಲಯಾಪನೆ ಮಾಡುತ್ತಿದೆ. ಈ ಜಯಂತಿಗಳನ್ನು ಮಾಡುವುದು ಸರ್ಕಾರದ ಕೆಲಸವೇ? ಇವುಗಳೇನು ಜನೋಪಯೋಗಿ ಕೆಲಸಗಳೇ?

ಇವೆಲ್ಲವುಗಳಿಗೆ ಕಲಶವಿಟ್ಟಂತೆ ವಿಧಾನಸೌಧದ ಅರವತ್ತನೇ ವರ್ಷದ ಕಾರ್ಯಕ್ರಮವನ್ನು ಸರ್ಕಾರ ಹಮ್ಮಿಕೊಂಡಿದೆ. ಇದಕ್ಕೆ ಕೋಟಿಗಟ್ಟಲೆ ಹಣವನ್ನು ಖರ್ಚು ಮಾಡಲಾಗುತ್ತಿದೆ. ನಾಲ್ಕು ಸಾವಿರ ಜನರಿಗೆ ಊಟವಂತೆ! ಆ ನಾಲ್ಕು ಸಾವಿರ ಜನ ಯಾರ ಪೈಕಿಯವರೋ ಗೊತ್ತಿಲ್ಲ. ಇಲ್ಲಿ ಒಂದು ಊಟಕ್ಕೆ ಖರ್ಚಾಗುವ ಹಣ ಒಂದು ಪುಟ್ಟ ಸಂಸಾರದ ಒಂದು ತಿಂಗಳ ಬಜೆಟ್! ಇಷ್ಟು ಹಣದ ಊಟ ಮಾಡುವ ವ್ಯಕ್ತಿ ಬಕಾಸುರನ ವಂಶಸ್ಥನಾದ ರಾಕ್ಷಸನೇ ಇರಬೇಕು! ಅಂದರೆ ನಾಲ್ಕು ಸಾವಿರ ರಾಕ್ಷಸರು ಊಟಕ್ಕೆ ಬರುತ್ತಾರೆ! ಯಾರ ಮನೆಯ ಹಣವಿದು?

ನೀವು ಯಾವುದೇ ಜಯಂತಿ ಮಾಡುವ ಅಗತ್ಯವಿಲ್ಲ. ಆಯಾ ಸಮುದಾಯದವರು ಅವುಗಳನ್ನು ಬೇಕಿದ್ದರೆ ಮಾಡಿಕೊಳ್ಳಲಿ. ಆದರೆ ರಸ್ತೆ ಹೊಂಡಗಳನ್ನು ಸರಿಪಡಿಸುವುದು, ಬೆಲೆಗಳನ್ನು ಇಳಿಸುವುದು ಇತ್ಯಾದಿ ಜನಹಿತ ಕಾರ್ಯಗಳನ್ನು ಮಾಡದಿದ್ದರೆ ಜನ ನಿಮಗೆ ಶಾಪ ಹಾಕುತ್ತಾರೆ. ಆದಕಾರಣ ಜಯಂತಿಗಳನ್ನು ಬದಿಗೊತ್ತಿ ಈ ಕೆಲಸಗಳ ಕಡೆಗೆ ಗಮನ ಹರಿಸಿ.

–ಜಿ.ವಿ.ಗಣೇಶಯ್ಯ, ಮೈಸೂರು

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry