79 ವರ್ಷದ ರೋಗಿಯೊಬ್ಬರಿಗೆ ಇತ್ತೀಚೆಗೆ ಈ ಬಗೆಯ ಯಶಸ್ವಿ ಚಿಕಿತ್ಸೆ ನೀಡಲಾಗಿದೆ. ಆಸ್ಪತ್ರೆಯಲ್ಲಿ ಇದುವರೆಗೆ ಮೂವರು ಇಂಥ ಚಿಕಿತ್ಸೆ ಪಡೆದಿದ್ದಾರೆ. ತೆರೆದ ಶಸ್ತ್ರಚಿಕಿತ್ಸೆಗೆ ಒಳಗಾಗಲು ದೈಹಿಕವಾಗಿ ಸಮರ್ಥವಿಲ್ಲದ 60 ವರ್ಷ ಮೇಲ್ಪಟ್ಟವರಿಗೆ ಈ ಚಿಕಿತ್ಸಾ ವಿಧಾನ ವರದಾನವಾಗಿದೆ. ನೀಡ್ಲ್ ಪ್ರಿಕ್ ಚಿಕಿತ್ಸೆ 45 ನಿಮಿಷ ತೆಗೆದುಕೊಳ್ಳಲಿದ್ದು, ರೋಗಿ ಮೂರು ದಿನಗಳಲ್ಲೇ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿ, ದೈನಂದಿನ ಬದುಕಿಗೆ ಮರಳಬಹುದು ಎಂದು ತಿಳಿಸಿದರು.