ರಾಜಕಾಲುವೆ ಒತ್ತುವರಿ ತೆರವಿಗೆ ಒತ್ತಾಯ

ಸೋಮವಾರ, ಜೂನ್ 24, 2019
29 °C

ರಾಜಕಾಲುವೆ ಒತ್ತುವರಿ ತೆರವಿಗೆ ಒತ್ತಾಯ

Published:
Updated:

ವಿಜಯಪುರ: ಒತ್ತುವರಿಯಾಗಿರುವ ರಾಜಕಾಲುವೆಗಳನ್ನು ತೆರವುಗೊಳಿಸಿ, ಮಳೆಯ ನೀರು ಸರಾಗವಾಗಿ ಕೆರೆಗಳಿಗೆ ಹರಿಯುವಂತೆ ಮಾಡಬೇಕು ಎಂದು ಜನಶಕ್ತಿ ರಂಗದ ದೇವನಹಳ್ಳಿ ತಾಲ್ಲೂಕು ಘಟಕದ ಅಧ್ಯಕ್ಷ ಬಿ.ಬೈರೇಗೌಡ ಒತ್ತಾಯಿಸಿದರು.

ಸಮೀಪದ ವಿಜಯಪುರ ಅಮಾನಿಕೆರೆಯ ಬಳಿ ಶಿಥಿಲಾವಸ್ಥೆಗೆ ತಲುಪಿರುವ ದುರ್ಗಾತಾಯಿ ಹಾಗೂ ಗಂಗಾತಾಯಿ ದೇವಾಲಯದಲ್ಲಿ ಕೆರೆಗಳು ತುಂಬಬೇಕು ಎಂಬ ಹರಕೆಯೊಂದಿಗೆ ಮಂಗಳವಾರ ಪೂಜೆ ಸಲ್ಲಿಸಿದ ಅವರು ಮಾತನಾಡಿದರು.

ಸುತ್ತಲಿನ ಪ್ರಾಂತಗಳಲ್ಲಿ ಕೆರೆಗಳು ತುಂಬಿ ಕೋಡಿ ಹರಿದಿದೆ. ಕೃಷಿ ಇಲಾಖೆಯ ಅಧಿಕಾರಿಗಳ ವರದಿಯಂತೆ ನಿರೀಕ್ಷೆಗಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ಮಳೆಯಾಗಿದೆ. ಆದರೂ, ಈ ಭಾಗದ ಯಾವ ಕೆರೆಗಳಿಗೂ ನೀರು ಬಂದಿಲ್ಲ ಎಂದರು.

ಕೆರೆಗಳಿಗೆ ನೀರು ಬಂದಿಲ್ಲ. ರಾಜಕಾಲುವೆಗಳಲ್ಲಿ ಹರಿಯಬೇಕಾಗಿದ್ದ ನೀರು ತೋಟಗಳು, ಹೊಲಗಳಲ್ಲಿ ಶೇಖರಣೆಯಾಗಿತ್ತು. ಇದರಿಂದ ಅಂತರ್ಜಲದ ಮಟ್ಟ ವೃದ್ಧಿಯಾಗಲು ತೊಡಕುಂಟಾಗಿದೆ ಎಂದರು. ಈ ಬಗ್ಗೆ ತಹಶೀಲ್ದಾರ್, ಉಪ ವಿಭಾಗಾಧಿಕಾರಿ, ಜಿಲ್ಲಾಧಿಕಾರಿ ಗಮನ ಹರಿಸಬೇಕು ಎಂದು ಒತ್ತಾಯಿಸಿದರು.

ಮುಖಂಡ ಚಿಕ್ಕನಹಳ್ಳಿ ಕೆ.ವೆಂಕಟೇಶ್ ಮಾತನಾಡಿ, ಹಿಂದೆ ಹಿರಿಯರು ಕೆರೆಗಳನ್ನು ನಿರ್ಲಕ್ಷಿಸಲಾಗುತ್ತಿದೆ. ಪುರಾತನ ದೇವಾಲಯಗಳನ್ನು ಗಮನಿಸದೆ ಬಿಡಲಾಗಿದೆ ಎಂದರು.

‘ನಮ್ಮ ಸಂಘಟನೆಯಿಂದ ಅವುಗಳನ್ನು ಜೀರ್ಣೋದ್ಧಾರ ಮಾಡಿ ಪೂಜೆ ಸಲ್ಲಿಸಿದ್ದೇವೆ. ಜನರು ಇಂತಹ ಪುರಾತನ ದೇವಾಲಯಗಳನ್ನು ಸಂರಕ್ಷಿಸುವ ಕಡೆಗೆ ಗಮನ ಹರಿಸಬೇಕು, ಕೆರೆಗಳ ಸಂರಕ್ಷಣೆಗೂ ಹೆಚ್ಚು ಕಾಳಜಿ ತೋರಿಸಬೇಕು’ ಎಂದರು. ವೆಲ್ಡರ್ ಮುನಿಮಾರಪ್ಪ, ಮುನಿರಾಜು, ಡೈರಿ ಮುನಿರಾಜು, ಜೈ ಶಂಕರ್, ಆಂಜಿನಮ್ಮ, ಆಶಾ, ಅಂಬಿಕ, ಚಿನ್ಮಯ್ ಗೌಡ ಹಾಜರಿದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry