‘ಜಾಗತೀಕರಣದ ಸವಾಲಿಗೆ ಚನ್ನಮ್ಮನ ಸಂದೇಶ ಸಹಕಾರಿ’

ಮಂಗಳವಾರ, ಜೂನ್ 18, 2019
23 °C

‘ಜಾಗತೀಕರಣದ ಸವಾಲಿಗೆ ಚನ್ನಮ್ಮನ ಸಂದೇಶ ಸಹಕಾರಿ’

Published:
Updated:
‘ಜಾಗತೀಕರಣದ ಸವಾಲಿಗೆ ಚನ್ನಮ್ಮನ ಸಂದೇಶ ಸಹಕಾರಿ’

ಚನ್ನಮ್ಮನ ಕಿತ್ತೂರು: ‘ಜಾಗತೀಕರಣ ಸಂದರ್ಭದಲ್ಲಿನ ವಸಾಹತುಶಾಹಿ ಮತ್ತು ಸಾಮ್ರಾಜ್ಯಶಾಹಿ ಒಡ್ಡುವ ಸವಾಲುಗಳನ್ನು ಎದುರಿಸಲು ರಾಣಿ ಚನ್ನಮ್ಮನ ಹೋರಾಟ ಹಾಗೂ ಸಂದೇಶ ಸಹಕಾರಿಯಾಗಿವೆ’ ಎಂದು ಪತ್ರಕರ್ತೆ ಆರ್‌. ಪೂರ್ಣಿಮಾ ಅಭಿಪ್ರಾಯಪಟ್ಟರು. ಕಿತ್ತೂರು ಉತ್ಸವದಲ್ಲಿ ಮಂಗಳವಾರ ನಡೆದ ವಿಚಾರಸಂಕಿರಣಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

‘ಸ್ವಾತಂತ್ರ್ಯ ಹೋರಾಟದಲ್ಲಿ ಅನೇಕ ಮಾರ್ಗಗಳು, ಮಜಲು ಮತ್ತು ಆಯಾಮಗಳಿದ್ದವು. ಇಂತಹ ಸಾವಿರಾರು ಹೋರಾಟದ ತೊರೆಗಳ ಮಧ್ಯೆ ಕಿತ್ತೂರಿನ ರಾಣಿ ಚನ್ನಮ್ಮನ ಹೋರಾಟಕ್ಕೆ ವಿಶೇಷ ಸ್ಥಾನವಿದೆ’ ಎಂದು ಬಣ್ಣಿಸಿದರು.

‘ಯಾವುದೇ ದೇಶದ ಇತಿಹಾಸ ತೆಗೆದುಕೊಂಡರೂ ಅಲ್ಲಿ ಪುರುಷ (ಹಿಸ್‌) ಕತೆಯಿದೆ, ಮಹಿಳೆ (ಹರ್) ಕತೆ ಇಲ್ಲವೇ? ನಾಗರಿಕತೆ ಮತ್ತು ಸಂಸ್ಕೃತಿ ರೂಪಿಸಲು ಹೆಣ್ಣು ಏನೂ ಕಾಣಿಕೆ ನೀಡಲಿಲ್ಲವೆ ಎನ್ನುವುದನ್ನು ತೋರಿಸಿದ್ದು ರಾಣಿ ಚನ್ನಮ್ಮನ ಕಿತ್ತೂರು’ ಎಂದರು.

‘ಹಿಂದಿನ ಹೆಜ್ಜೆಗಳನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳದಿದ್ದರೆ ಸಮಕಾಲೀನ ಸಂದರ್ಭಕ್ಕೆ ಹೇಗೆ ಪ್ರತಿಕ್ರಿಯೆ ಕೊಡಬೇಕು, ಹೇಗೆ ಸವಾಲುಗಳನ್ನು ಎದುರಿಸಬಹುದು ಎಂದು ಊಹಿಸುವುದಕ್ಕೆ ಆಗುವುದಿಲ್ಲ’ ಎಂದು ವಿಶ್ಲೇಷಿಸಿದರು.

ಆಶಯ ಭಾಷಣ ಮಾಡಿದ ಸಾಹಿತಿ ಯ.ರು. ಪಾಟೀಲ, ‘ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಲ್ಲಿ ರಾಣಿ ಚನ್ನಮ್ಮ ಅಧ್ಯಯನ ಪೀಠ ತೆರೆಯಲು ಸರ್ಕಾರ ಆದೇಶ ಹೊರಡಿಸಿದೆ. ಕಿತ್ತೂರಿನ ಬಗ್ಗೆ ಸಮರ್ಪಕ ಸಾಹಿತ್ಯ ಬಂದಿಲ್ಲ, ಸಂಶೋಧನೆ ನಡೆದಿಲ್ಲ ಎನ್ನುವ ಕೊರತೆ ಈ ಪೀಠದಿಂದ ನೀಗಲಿದೆ’ ಎಂದು ಆಶಿಸಿದರು.

‘1824ರ ಸಂಗ್ರಾಮ ಮತ್ತು ಪ್ರೇರಣೆ’ ಕುರಿತು ಅಥಣಿಯ ಪ್ರಾಧ್ಯಾಪಕಿ ಪ್ರೊ. ಮಂಜುಷಾ ನಾಯಕ, ‘ವರ್ತಮಾನದ ಮಹಿಳೆಯರಿಗೆ ರಾಣಿ ಚನ್ನಮ್ಮ ಸ್ಫೂರ್ತಿ’ ವಿಷಯ ಕುರಿತು ಬೆಂಗಳೂರಿನ ಡಾ.ಕವಿತಾ ಕುಸುಗಲ್, ‘ಕಿತ್ತೂರಿನ ಸ್ಮಾರಕಗಳು ಮತ್ತು ಇತಿಹಾಸ ಉಳಿವು’ ಬಗ್ಗೆ ಪ್ರೊ.ಗುಂಡಣ್ಣ ಕಲಬುರ್ಗಿ, ‘ಉತ್ಖನನ ಭಾಗವಾಗಿ ಕಿತ್ತೂರು’ ವಿಷಯದ ಕುರಿತು ಬಾಗಲಕೋಟೆಯ ಡಾ.ಸಣ್ಣವೀರಣ್ಣ ದೊಡ್ಡಮನಿ, ‘ಮಹಿಳೆ ಮತ್ತು ಸಂವಿಧಾನ’ ವಿಷಯದ ಮೇಲೆ ಸಿ.ಎಸ್. ಚಿಕ್ಕನಗೌಡರ ಉಪನ್ಯಾಸ ನೀಡಿದರು.

ಡಾ.ನಾಗಾಬಾಯಿ ಬುಳ್ಳಾ ಅವರು ಅಧ್ಯಕ್ಷತೆ ವಹಿಸಿದ್ದರು. ಜಗದೀಶ ಹಾರುಗೊಪ್ಪ ಸ್ವಾಗತಿಸಿದರು. ಬಸವರಾಜ ಕುಪ್ಪಸಗೌಡರ ನಿರೂಪಿಸಿದರು. ಮಹೇಶ ಚನ್ನಂಗಿ ವಂದಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry