‘ಪದ್ಮಾವತಿ’ ನೃತ್ಯ ರಸದೌತಣ

ಬುಧವಾರ, ಜೂನ್ 26, 2019
28 °C

‘ಪದ್ಮಾವತಿ’ ನೃತ್ಯ ರಸದೌತಣ

Published:
Updated:
‘ಪದ್ಮಾವತಿ’ ನೃತ್ಯ ರಸದೌತಣ

ದಿನೇದಿನೇ ಜನರ ಮನಸ್ಸಿನಲ್ಲಿ ನಿರೀಕ್ಷೆಯ ಮಹಾಪೂರವನ್ನೇ ಹುಟ್ಟುಹಾಕುತ್ತಿರುವ ಪದ್ಮಾವತಿ ಸಿನಿಮಾದ ಮೊದಲ ‘ಘೂಮರ್‌’ ಹಾಡು ಬಿಡುಗಡೆಗೊಂಡಿದೆ. ಹಾಡು, ದೃಶ್ಯಗಳಲ್ಲಿ ಶ್ರೀಮಂತಿಕೆಯನ್ನು ಸ್ಫುರಿಸುವ ಈ ಹಾಡು ನಿರ್ದೇಶಕ ಸಂಜಯ್‌ ಲೀಲಾ ಬನ್ಸಾಲಿ ಅವರ ಜಾಣ್ಮೆಗೂ ಸಾಣೆ ಹಿಡಿದಂತಿದೆ.

ದೇವದಾಸ್‌, ಬಾಜಿರಾವ್‌ ಮಸ್ತಾನಿ, ರಾಮಲೀಲಾ ಮುಂತಾದ ಸಿನಿಮಾಗಳನ್ನು ಮಾಡಿರುವ ಬನ್ಸಾಲಿ ಅವರು ಐತಿಹಾಸಿಕ ಹಾಗೂ ಪೌರಾಣಿಕ ಸಿನಿಮಾಗಳನ್ನು ತೆರೆಯ ಮೇಲೆ ಅಭಿವ್ಯಕ್ತಿಸುವುದರಲ್ಲಿ ಸಿದ್ಧಹಸ್ತರು ಎನ್ನುವುದನ್ನು ಹಾಡಿನ ಮೂಲಕ ಮತ್ತೆ ದೃಢಪಡಿಸಿದ್ದಾರೆ.

ಹಾಡಿನ ಪ್ರತಿ ಫ್ರೇಂ ಕೂಡ ನೋಡುಗನನ್ನು ಮಂತ್ರಮುಗ್ಧರನ್ನಾಗಿಸುತ್ತದೆ. ಅದರಲ್ಲೂ ದೀಪಿಕಾ ಹಾಗೂ ಶಾಹಿದ್‌ ಕಪೂರ್ ತೆರೆಯ ಮೇಲೆ ಬರುತ್ತಿದ್ದಂತೆ ವಿಶೇಷ ಮೆರುಗು ದಕ್ಕುತ್ತದೆ. ತೆರೆ ತುಂಬಿಕೊಳ್ಳುವ ದೀಪಿಕಾ ತಿರುಗುತ್ತಾ ಘೂಮರ್‌ನ ಸಾಂಪ್ರದಾಯಿಕ ಶೈಲಿಯಲ್ಲಿಯೇ ನೃತ್ಯಕ್ಕೆ ಹೆಜ್ಜೆ ಹಾಕುತ್ತಾರೆ. ನಿಧಾನವಾಗಿ ನೃತ್ಯದೊಳಗಿಳಿಯುವ ದೀಪಿಕಾ ರಾಣಿ ಪದ್ಮಾವತಿ ಚೆಲುವನ್ನು ಸ್ಫುರಿಸುತ್ತಾ ನೋಡುಗನ ಚಿತ್ತ ಬೇರೆಡೆ ಹರಿಯದಂತೆ ಹಿಡಿದಿಟ್ಟುಕೊಳ್ಳುತ್ತಾರೆ.

‘ಪದ್ಮಾವತಿ ಸಿನಿಮಾದಲ್ಲಿ ಚಿತ್ರೀಕರಿಸಿದ ಅತಿ ಕಷ್ಟದ ಹಾಡಿದು. ನಿರ್ದೇಶಕರ ನಿಖರ ದೃಷ್ಟಿಕೋನ ಹಾಡಿನ ಇಂಚಿಂಚಿನಲ್ಲೂ ಪ್ರತಿಧ್ವನಿಸುತ್ತದೆ. ಹಾಡಿನ ಶ್ರೀಮಂತಿಕೆ ನಮ್ಮೆಲ್ಲರ ಪರಿಶ್ರಮದ ಫಲ. ಈ ಸಿನಿಮಾ ಮುಖ್ಯವಾಗಿ ಈ ಹಾಡಿಗಾಗಿ ನಾನು ತಿಂಗಳುಗಟ್ಟಲೆ ಪೂರ್ವತಯಾರಿ ಮಾಡಿಕೊಂಡಿದ್ದೇನೆ. ಈ ಸಿನಿಮಾಕ್ಕಾಗಿ ಮೊದಲ ಬಾರಿಗೆ ಪದ್ಮಾವತಿ ಪಾತ್ರದಲ್ಲಿ ಸೆಟ್‌ಗೆ ಕಾಲಿಟ್ಟಿದ್ದು ಘೂಮರ್‌ ಹಾಡಿಗಾಗಿಯೇ. ಹೀಗಾಗಿ ಹಾಡು, ಸನ್ನಿವೇಶ ಎಲ್ಲವೂ ನನಗೆ ವಿಶೇಷ’ ಎಂದಿದ್ದಾರೆ ದೀಪಿಕಾ.

ರಾಜಸ್ತಾನಿ ಶೈಲಿಯಲ್ಲಿರುವ ಈ ಹಾಡನ್ನು ಶ್ರೇಯಾ ಘೋಷಾಲ್‌ ಹಾಗೂ ಸ್ವರೂಪ್‌ ಖಾನ್‌ ಹಾಡಿದ್ದು, ಮತ್ತೆ ಮತ್ತೆ ಕೇಳಬೇಕು ಎನ್ನುವಷ್ಟು ಇಂಪಾಗಿದೆ. ಜ್ಯೋತಿ ಡಿ. ತೊಮ್ಮಾರ್‌ ಹಾಗೂ ಕೃತಿ ಮಹೇಶ್‌ ಮೈದ್ಯಾ ನೃತ್ಯ ಸಂಯೋಜನೆ ಹಾಡಿಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry