ಎಚ್‌-1ಬಿ ವೀಸಾ ನೀತಿ ಬದಲಿಸಬೇಡಿ

ಬುಧವಾರ, ಜೂನ್ 19, 2019
22 °C

ಎಚ್‌-1ಬಿ ವೀಸಾ ನೀತಿ ಬದಲಿಸಬೇಡಿ

Published:
Updated:
ಎಚ್‌-1ಬಿ ವೀಸಾ ನೀತಿ ಬದಲಿಸಬೇಡಿ

ನವದೆಹಲಿ: ‘ಎಚ್‌–1ಬಿ ಮತ್ತು ಎಲ್‌–1 ವೀಸಾ ನೀತಿಗಳಲ್ಲಿ ಬದಲಾವಣೆ ತಂದರೆ ಅಮೆರಿಕದಲ್ಲಿ ದುಡಿಯುತ್ತಿರುವ ಭಾರತದ ಮಾಹಿತಿ ತಂತ್ರಜ್ಞರಿಗೆ ತೊಂದರೆಯಾಗುತ್ತದೆ. ಹೀಗಾಗಿ ಈ ವೀಸಾಗಳ ನೀತಿಯಲ್ಲಿ ಬದಲಾವಣೆ ತರಬಾರದು’ ಎಂದು ಅಮೆರಿಕಕ್ಕೆ ಭಾರತ ಮನವಿ ಮಾಡಿಕೊಂಡಿದೆ.

ಭಾರತ ಪ್ರವಾಸದಲ್ಲಿರುವ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ರೆಕ್ಸ್ ಟಿಲ್ಲರ್‌ಸನ್ ಅವರು ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್ ಅವರನ್ನು ಬುಧವಾರ ದೆಹಲಿಯಲ್ಲಿ ಭೇಟಿ ಮಾಡಿದರು. ಭೇಟಿ ವೇಳೆ ವೀಸಾ ವಿಚಾರವನ್ನು ಚರ್ಚಿಸಲಾಗಿದೆ.

ಭೇಟಿಯ ನಂತರ ಜವಾಹರ ಲಾಲ್ ನೆಹರೂ ಭವನದಲ್ಲಿ ಜಂಟಿ ಪತ್ರಿಕಾಗೋಷ್ಠಿ ಆಯೋಜಿಸಲಾಗಿತ್ತು.

‘ಅಮೆರಿಕದ ಆರ್ಥಿಕತೆಗೆ ಅಲ್ಲೇ ದುಡಿಯುತ್ತಿರುವ ಭಾರತೀಯ ಮಾಹಿತಿ ತಂತ್ರಜ್ಞರ ಕೊಡುಗೆ ಬಹಳ ದೊಡ್ಡದು. ಎಚ್‌–1ಬಿ ಮತ್ತು ಎಲ್‌–1 ವೀಸಾ ನೀತಿಗಳಲ್ಲಿ ಬದಲಾವಣೆ ತಂದರೆ ಅವರಿಗೆ ತೊಂದರೆಯಾಗುತ್ತದೆ. ಅದು ಭಾರತದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂಬುದನ್ನು ಅಮೆರಿಕಕ್ಕೆ ಮನವರಿಕೆ ಮಾಡಿಕೊಡಲು ಪ್ರಯತ್ನಿಸಲಾಗಿದೆ’ ಎಂದು ಸುಷ್ಮಾ ಸ್ವರಾಜ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

‘ಅಮೆರಿಕದಲ್ಲಿ ದುಡಿಯುತ್ತಿರುವ ಭಾರತೀಯರು ಅಮೆರಿಕ ಮತ್ತು ಭಾರತ ಎರಡೂ ಕಡೆ ಸಾಮಾಜಿಕ ಭದ್ರತೆಗೆ ಸಂಬಂಧಿಸಿದ ತೆರಿಗೆಯನ್ನು ಪಾವತಿಸುವುದನ್ನು ಅಮೆರಿಕದ ‘ಜಾಗತಿಕ ಸಾಮಾಜಿಕ ಭದ್ರತಾ ಒಪ್ಪಂದ’ ತಡೆಯುತ್ತದೆ. ಭಾರತವೂ ಈ ಒಪ್ಪಂದದ ಭಾಗವಾಗುವ ಬಗ್ಗೆ ಇನ್ನೂ ಅಂತಿಮ ನಿರ್ಧಾರ ಸಾಧ್ಯವಾಗಿಲ್ಲ. ಈ ಸಂಬಂಧ ತಲೆದೋರಿರುವ ಬಿಕ್ಕಟ್ಟುಗಳಿಗೆ ಅಮೆರಿಕ ಕೊನೆ ಹಾಡಬೇಕು. ಆಗ ಅಮೆರಿಕದಲ್ಲಿ ದುಡಿಯುತ್ತಿರುವ ಸುಮಾರು 5 ಲಕ್ಷ ಭಾರತೀಯರಿಗೆ ಅನುಕೂಲವಾಗಲಿದೆ ಎಂದು ರೆಕ್ಸ್ ಅವರಿಗೆ ಮಾಹಿತಿ ನೀಡಲಾಗಿದೆ’ ಎಂದು ಸುಷ್ಮಾ ವಿವರಿಸಿದರು.

ಎಚ್1ಬಿ ವೀಸಾ ನವೀಕರಣ ಪ್ರಕ್ರಿಯೆ ಕಠಿಣ

ವಾಷಿಂಗ್ಟನ್ (ಪಿಟಿಐ): ಭಾರತೀಯ ಐಟಿ ಉದ್ಯೋಗಿಗಳು ಹೆಚ್ಚಾಗಿ ಬಳಸುವ ಎಚ್‌1ಬಿ ಹಾಗೂ ಎಲ್-1 ವೀಸಾ ನವೀಕರಣ ಪ್ರಕ್ರಿಯೆಯನ್ನು ಮತ್ತಷ್ಟು ಕಠಿಣಗೊಳಿಸಿ ಟ್ರಂಪ್ ಆಡಳಿತ ಆದೇಶ ಹೊರಡಿಸಿದೆ.

13 ವರ್ಷ ಹಳೆಯದಾದ ವೀಸಾ ನಿಯಮವನ್ನು ರದ್ದುಗೊಳಿಸಿರುವ ಅಮೆರಿಕದ ಪೌರತ್ವ ಮತ್ತು ವಲಸೆ ಸೇವೆ (ಯುಎಸ್‌ಸಿಐಎಸ್), ವೀಸಾ ನವೀಕರಣ ಅರ್ಹತೆಗೆ ಸಾಕ್ಷ್ಯ ಒದಗಿಸುವ ಜವಾಬ್ದಾರಿ ಎಲ್ಲಾ ಸಮಯದಲ್ಲಿಯೂ ಅರ್ಜಿದಾರನದ್ದೇ ಆಗಿರುತ್ತದೆ ಎಂದು ಹೇಳಿದೆ.

ಈ ಹಿಂದಿನ ನಿಯಮದಲ್ಲಿ ಮೊದಲ ಬಾರಿಗೆ ಉದ್ಯೋಗ ವೀಸಾ ಪಡೆಯಲು ಅರ್ಹತೆ ಹೊಂದಿದ್ದರೆ, ನಂತರ ಸಾಮಾನ್ಯವಾಗಿ ವೀಸಾ ನವೀಕರಣಗೊಳಿಸಲಾಗುತ್ತಿತ್ತು. ಆದರೆ ನೂತನ ನಿಯಮದ ಅನುಸಾರ ಇನ್ನು ಪ್ರತಿಬಾರಿ ವೀಸಾ ನವೀಕರಣಕ್ಕೆ ಕೋರಿದಾಗಲೂ ಅರ್ಹತೆ ಸಾಬೀತುಪಡಿಸಬೇಕು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry