ಡಿಎನ್‌ಎ ಪರೀಕ್ಷೆಗೆ ಅತ್ಯಾಧುನಿಕ ಪ್ರಯೋಗಾಲಯಗಳ ಆವಿಷ್ಕಾರ

ಬುಧವಾರ, ಜೂನ್ 19, 2019
25 °C

ಡಿಎನ್‌ಎ ಪರೀಕ್ಷೆಗೆ ಅತ್ಯಾಧುನಿಕ ಪ್ರಯೋಗಾಲಯಗಳ ಆವಿಷ್ಕಾರ

Published:
Updated:
ಡಿಎನ್‌ಎ ಪರೀಕ್ಷೆಗೆ ಅತ್ಯಾಧುನಿಕ ಪ್ರಯೋಗಾಲಯಗಳ ಆವಿಷ್ಕಾರ

ಹೇಗ್‌(ಎಎಫ್‌ಪಿ): ಡಿಎನ್‌ಎ ಗುರುತು ಪರೀಕ್ಷೆಗಾಗಿ ಅತ್ಯಾಧುನಿಕ ತಂತ್ರಜ್ಞಾನವುಳ್ಳ ಪ್ರಯೋಗಾಲಯಗಳನ್ನು ನೆದರ್‌ಲ್ಯಾಂಡ್‌ನಲ್ಲಿ ಆರಂಭಿಸಲಾಗಿದೆ.

ಜಗತ್ತಿನಾದ್ಯಂತ ಸಂಭವಿಸುವ ವಿಪತ್ತು, ಸಂಘರ್ಷಗಳಲ್ಲಿ ಲಕ್ಷಾಂತರ ಕುಟುಂಬಗಳು ತಮ್ಮ ಪ್ರೀತಿ ಪಾತ್ರರನ್ನು ಕಳೆದುಕೊಂಡಿರುತ್ತವೆ. ಡಿಎನ್‌ಎ ಪರೀಕ್ಷೆ ಮೂಲಕ ಅಂತಹವರನ್ನು ಪತ್ತೆ ಹಚ್ಚುವಲ್ಲಿ ಈ ಪ್ರಯೋಗಾಲಯಗಳು ಸಹಕಾರಿಯಾಗಲಿವೆ.

ಯುಗೊಸ್ಲಾವಿಯದಲ್ಲಿ ಉಂಟಾದ ಸಂಘರ್ಷದಿಂದಾಗಿ ಅಮೆರಿಕ ಅಧ್ಯಕ್ಷ ಬಿಲ್ ಕ್ಲಿಂಟನ್ ಅವರು 1996ರಲ್ಲಿ ಸರಗೆವೊದಲ್ಲಿ ‘ನಾಪತ್ತೆಯಾದ ವ್ಯಕ್ತಿಗಳಿಗಾಗಿ ಅಂತರರಾಷ್ಟ್ರೀಯ ಆಯೋಗ’ (ಐಸಿಎಂಪಿ) ಎನ್ನುವ ಸರ್ಕಾರೇತರ ಸಂಸ್ಥೆ ಸ್ಥಾಪಿಸಿದರು. ಈ ಪ್ರಯೋಗಾಲಯಗಳು ಐಸಿಎಂಪಿ ಕೈಗೊಂಡಿರುವ ನೂತನ ಕಾರ್ಯವಾಗಿದೆ.

ಬೊಸ್ನಿಯನ್ ರಾಜಧಾನಿ ಸರಗೆವೊದಿಂದ ಐಸಿಎಂಪಿಯ ಪ್ರಯೋಗಾಲಯಗಳು ಕಳೆದ ವರ್ಷ ಹೇಗ್‌ಗೆ ಸ್ಥಳಾಂತರಗೊಂಡವು. ನಂತರ ಪ್ರಯೋಗಾಲಯಗಳಲ್ಲಿ ಹಲವು ಮಹತ್ತರ ಬದಲಾವಣೆಗಳನ್ನು ಮಾಡಲಾಗುತ್ತಿದೆ.

ಈ ಪ್ರಯೋಗಾಲಯಗಳ ಮೂಲಕ ಮೂಳೆಯ ಮಾದರಿ ಪರೀಕ್ಷೆಯಿಂದ ಅನುವಂಶೀಯತೆಯ ಪ್ರಮಾಣ ಕಂಡುಹಿಡಿಯಲು ಸಾಧ್ಯವಾಗುತ್ತದೆ. ಡಚ್ ಕಂಪೆನಿ ಕಿಯಾಜೆನ್ ಕೊಡುಗೆ ನೀಡಿದ ಈ ಹೊಸ ತಂತ್ರಜ್ಞಾನವನ್ನು ವಿಜ್ಞಾನಿಗಳು ‘ದಶಕಗಳಷ್ಟು ಹಳೆಯ ಮೂಳೆ ಮಾದರಿಗಳನ್ನು ಸಹ

ಡಿಎನ್ಎ ಮೂಲಕ ಪತ್ತೆಹಚ್ಚುವಂತೆ ಶಕ್ತಗೊಳಿಸಿದ್ದಾರೆ’ ಎಂದು ಅವರು ಹೇಳಿದರು.

ಮೊಮ್ಮಕ್ಕಳು ಅಥವಾ ಇನ್ನೂ ದೂರದ ಸಂಬಂಧದ ಡಿಎನ್‌ಎ  ಮಾದರಿ ಇದ್ದರೂ ಸಹ ಈ ತಂತ್ರಜ್ಞಾನದ ಸಹಾಯದಿಂದ ಆನುವಂಶಿಕ ಗುರುತುಗಳನ್ನು ಸುಲಭವಾಗಿ ಪತ್ತೆಹಚ್ಚಬಹುದು.

1990ರ ದಶಕದ ಬಾಲ್ಕನ್ಸ್ ಸಂಘರ್ಷದಲ್ಲಿ ಕಾಣೆಯಾದ 40,000 ಜನರ ಪೈಕಿ ಶೇ 70ರಷ್ಟು ಜನರನ್ನು ಮತ್ತು 1995ರಲ್ಲಿ ಸ್ರೆಬ್ರೆನಿಕಾ ಹತ್ಯಾಕಾಂಡದಲ್ಲಿ ಸಾವನ್ನಪ್ಪಿದ 8,000 ಜನರ ಪೈಕಿ ಶೇ 90ರಷ್ಟು ಜನರನ್ನು ಗುರುತಿಸುವಲ್ಲಿ ಈ ಸಂಘಟನೆ ಈಗಾಗಲೇ ಯಶಸ್ವಿಯಾಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry