ಗಿಡಗಳು ಯಾವುದೇ ತೊಂದರೆಯಿಲ್ಲದೆ ಸೊಂಪಾಗಿ ಬೆಳೆದರೆ ಮನಸ್ಸಿಗೂ ನೆಮ್ಮದಿ. ಹಸಿರು, ಗಾರ್ಡೆನಿಂಗ್ ಬಗೆಗೆ ಒಲವಿದ್ದು ಇರುವ ಜಾಗದಲ್ಲಿಯೇ ಗಿಡಗಳನ್ನು ಚೆನ್ನಾಗಿ ಬೆಳೆಸುವ ಮನಸ್ಸಿರುವವರಿಗಾಗಿ ಕೆಲಸ ಸರಳ ಉಪಾಯಗಳು ಇಲ್ಲಿವೆ.
* ಅಕ್ಕಿ, ತರಕಾರಿ ತೊಳೆದ ನೀರು, ಮಜ್ಜಿಗೆಯನ್ನು ಹಾಕುವುದರಿಂದ ಗಿಡಗಳು ಸೊಂಪಾಗಿ ಬೆಳೆಯುತ್ತವೆ.
* ಗಿಡಗಳ ಮಧ್ಯೆ ಅಲಂಕಾರಕ್ಕೆಂದು ಇಟ್ಟ ವಸ್ತುಗಳಲ್ಲಿ ನೀರು ನಿಲ್ಲದಂತೆ ನೋಡಿಕೊಳ್ಳಿ. ನೀರು ನಿಂತರೆ ಸೊಳ್ಳೆಗಳು ಉತ್ಪತ್ತಿಯಾಗುತ್ತವೆ.
* ಕುಂಡದ ಮಣ್ಣನ್ನು ವರ್ಷಕ್ಕೊಮ್ಮೆಯಾದರೂ ಬದಲಾಯಿಸಿ. ಇದರಿಂದ ಗಿಡಗಳು ಚೆನ್ನಾಗಿ ಬೆಳೆಯುತ್ತವೆ.
* ಗಿಡಗಳಿಂದ ಉದುರಿದ ಎಲೆಗಳನ್ನು ಅದೇ ಕುಂಡಕ್ಕೆ ಹಾಕುವುದರಿಂದ ಸುಲಭದಲ್ಲಿ ಗೊಬ್ಬರ ತಯಾರಿಸಬಹುದು.
* ನೀವು ನೆಡುವ ಗಿಡಗಳ ಬಗ್ಗೆ ತಿಳಿದುಕೊಳ್ಳಿ. ಹೆಚ್ಚು ಬಿಸಿಲು, ನೀರು ಬೇಡದ ಗಿಡಗಳ ಬಗ್ಗೆ ಅರಿವಿರಲಿ. ಅವುಗಳ ಅಗತ್ಯಕ್ಕೆ ತಕ್ಕಂತೆ ವ್ಯವಸ್ಥೆ ಮಾಡಿ.
* ಗಿಡಗಳಲ್ಲಿ ಇರುವೆಗಳು ಹೆಚ್ಚಾದರೆ ನೀರಿನೊಂದಿಗೆ ವಿನಿಗರ್ ಸಮ ಪ್ರಮಾಣದಲ್ಲಿ ಬೆರೆಸಿ, ಇರುವೆಗಳು ಓಡಾಡುವ ಸ್ಥಳದಲ್ಲಿ ಚಿಮುಕಿಸಿ, ಇದರಿಂದ ಕಳೆಯ ಜೊತೆಗೆ ಇರುವೆಗೂ ಮುಕ್ತಿ ನೀಡಬಹುದು.
* ಕುಂಡಗಳ ಮೇಲೆ ಕಲೆಗಳು ಇದ್ದರೆ, ಬಟ್ಟೆಯನ್ನು ವಿನಿಗರ್ನಲ್ಲಿ ನೆನೆಸಿ ಒರೆಸುವುದರಿಂದ ಕಲೆಗಳು ಹೋಗಿ ಕುಂಡ ಹೊಳೆಯುತ್ತದೆ.