ಸ್ವಿಟ್ಜರ್ಲೆಂಡ್ ಜೋಡಿ ಮೇಲೆ ದಾಳಿ: ಮಾಹಿತಿ ಕೇಳಿದ ಸುಷ್ಮಾ

ಮಂಗಳವಾರ, ಜೂನ್ 18, 2019
23 °C
ಒಬ್ಬನ ಬಂಧನ; ಇನ್ನೂ ಮೂವರಿಗಾಗಿ ಶೋಧ

ಸ್ವಿಟ್ಜರ್ಲೆಂಡ್ ಜೋಡಿ ಮೇಲೆ ದಾಳಿ: ಮಾಹಿತಿ ಕೇಳಿದ ಸುಷ್ಮಾ

Published:
Updated:
ಸ್ವಿಟ್ಜರ್ಲೆಂಡ್ ಜೋಡಿ ಮೇಲೆ ದಾಳಿ: ಮಾಹಿತಿ ಕೇಳಿದ ಸುಷ್ಮಾ

ನವದೆಹಲಿ: ಫತೇಪುರ ಸಿಕ್ರಿಯಲ್ಲಿ ಸ್ವಿಟ್ಜರ್ಲೆಂಡ್‌ನ ಯುವ ಜೋಡಿಯ ಮೇಲೆ ಯುವಕರ ಗುಂಪೊಂದು ಭಾನುವಾರ ದಾಳಿ ನಡೆಸಿದೆ ಎಂಬ ವರದಿಗೆ ಸಂಬಂಧಿಸಿದಂತೆ, ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಅವರು ಉತ್ತರ ಪ್ರದೇಶಸರ್ಕಾರದಿಂದ ಗುರುವಾರ ಮಾಹಿತಿ ಕೇಳಿದ್ದಾರೆ.

‘ಈಗಷ್ಟೇ ಈ ವಿಚಾರ ನನ್ನ ಗಮನಕ್ಕೆ ಬಂದಿದೆ. ನಮ್ಮ ಕಚೇರಿಯ ಅಧಿಕಾರಿಗಳು ಈ ಜೋಡಿಯನ್ನು ಸಂಪರ್ಕಿಸಲಿದ್ದಾರೆ’ ಎಂದು ಅವರು ಟ್ವೀಟ್ ಮಾಡಿದ್ದಾರೆ.

‘ಜೋಡಿಯನ್ನು ಅಟ್ಟಿಸಿಕೊಂಡು ಹೋದ ಗುಂಪು ಅವರಿಗೆ ಕಲ್ಲು ಮತ್ತು ಕೋಲಿನಿಂದ ಹೊಡೆದಿದೆ. ಇಬ್ಬರಿಗೂ ಗಾಯಗಳಾಗಿ ನೆಲದ ಮೇಲೆ ಬಿದ್ದಿದ್ದಾರೆ. ಅಲ್ಲಿದ್ದ ಜನರು ಮೊಬೈಲ್‌ಗಳಲ್ಲಿ ಇವರ ವಿಡಿಯೊ ಚಿತ್ರೀಕರಣ ಮಾಡಿದ್ದಾರೆ’ ಎಂದು ವರದಿಗಳು ತಿಳಿಸಿವೆ.

ಸ್ವಿಟ್ಜರ್ಲೆಂಡಿನ ಲೌಸನ್ನೆ ಪ್ರದೇಶದ ಕ್ವಿಂಟಿನ್ ಜೆರ್ಮಿ ಕ್ಲರ್ಕ್ (24) ಹಾಗೂ ಮೇರಿ ಡ್ರೊಜ್ (24) ಆಗ್ರಾದಲ್ಲಿ ಒಂದು ದಿನ ಕಳೆದಿದ್ದಾರೆ. ಮರುದಿನ ಫತೇಪುರ ಸಿಕ್ರಿಯ ರೈಲು ನಿಲ್ದಾಣದ ಬಳಿ ಸುತ್ತಾಡುತ್ತಿದ್ದರು.

ಖಂಡನೆ: ಸ್ವಿಟ್ಜರ್ಲೆಂಡ್ ಜೋಡಿಯ ಮೇಲೆ ನಡೆದ ದಾಳಿಯನ್ನು ಕೇಂದ್ರ ಸಂಸ್ಕೃತಿ ಸಚಿವ ಮಹೇಶ್ ಶರ್ಮಾ ಖಂಡಿಸಿದ್ದಾರೆ. ‘ಈ ಘಟನೆ ದುರದೃಷ್ಟ

ಕರ. ಇದು ಭಾರತೀಯರಿಗೆ ಮುಜುಗರ ತರುವ ಸಂಗತಿ’ ಎಂದು ಅವರು ಹೇಳಿದ್ದಾರೆ.

ಚೇತರಿಕೆ: ‘ದಾಳಿಗೊಳಗಾದ ಯುವ ಜೋಡಿಗೆ ಚಿಕಿತ್ಸೆ ನೀಡಲಾಗುತ್ತಿದ್ದು, ಚೇತರಿಸಿಕೊಳ್ಳುತ್ತಿದ್ದಾರೆ’ ಎಂದು ವೈದ್ಯರು ತಿಳಿಸಿದ್ದಾರೆ.

**

ಮೂವರ ಬಂಧನ

ಲಖನೌ: ‘ಪ್ರಕರಣದಲ್ಲಿ ಭಾಗಿಯಾದ ಇಬ್ಬರು ಆರೋಪಿಯನ್ನು ಬಂಧಿಸಲಾಗಿದ್ದು ಇನ್ನೂ ಇಬ್ಬರಿಗಾಗಿ ಶೋಧ ನಡೆದಿದೆ’ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry