‘ಬದುಕುವ ಹಕ್ಕಿಗೆ ಚ್ಯುತಿ ಬಾರದಿರಲಿ’

ತಾಲ್ಲೂಕು ಕಾನೂನು ಸೇವೆಗಳ ಸಮಿತಿ ಮತ್ತು ಆರೋಗ್ಯ ಇಲಾಖೆಯಿಂದ ಇಲ್ಲಿನ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಬುಧವಾರ ನಡೆದ ಕಾನೂನು ಅರಿವು ಮತ್ತು ನೆರವು ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

‘ಮಾನಸಿಕ ಅಸ್ವಸ್ಥರನ್ನು ಕೂಡ ವೈದ್ಯರ ಬಳಿ ತೆಗೆದುಕೊಂಡು ಹೋಗಿ ಚಿಕಿತ್ಸೆ ನೀಡಿ ಅವರು ಉತ್ತಮ ಜೀವನ ನಡೆಸಬೇಕು. ಇದಕ್ಕೆ ಸಾರ್ವಜನಿಕರು, ಪೊಲೀಸ್ ಇಲಾಖೆಯವರು ವೈದ್ಯರು ಸಹಕರಿಸಬೇಕು’ ಎಂದರು.

ಪರಸ್ಪರರನ್ನು ಅರಿತುಕೊಂಡಾಗ ಮಾತ್ರ ಸೌಹಾರ್ದಯುತ ಜೀವನ ಸಾಧ್ಯ. ಸಮಾಜದಲ್ಲಿ ಶಾಂತಿ, ನೆಮ್ಮದಿ ಬಾಳುತ್ತದೆ. ದೇಶದೋನ್ನತಿ ಆಗುತ್ತದೆ’ ಎಂದು ಅವರು ತಿಳಿಸಿದರು.

ಹಿರಿಯ ಸಿವಿಲ್ ನ್ಯಾಯಾಧೀಶ ಪ್ರಕಾಶ ಹೆಳವರ ಮಾತನಾಡಿ, ‘ಕಾನೂನು ಅರಿತು ಅದರ ಪಾಲನೆ ಮಾಡುವುದು ಅತ್ಯಗತ್ಯ. ಇದರಿಂದ ಬಹುತೇಕ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಬಹುದು’ ಎಂದರು.

ಮನೋರೋಗ ತಜ್ಞ ಡಾ.ಅಭಿಜೀತ್ ಪಾಟೀಲ ಮಾತನಾಡಿದರು. ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ಶರಣಪ್ಪ ಮುಡಬಿ, ವಕೀಲ ಎಸ್.ಬಿ.ಮಾಶಾಳಕರ್ ಮಾತನಾಡಿದರು. ನ್ಯಾಯಾಧೀಶ ಚಂದ್ರಯ್ಯ, ವಕೀಲರ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಭಾಸ್ಕರ ಕಾಂಬಳೆ, ಆಸ್ಪತ್ರೆ ಮುಖ್ಯ ವೈದ್ಯೆ ಡಾ.ಅಪರ್ಣಾ ಮಹಾನಂದ, ಸಿಪಿಐ ಅಲಿಸಾಬ್, ಮಹೇಶ ಹಲಿಂಗೆ, ಶಿವರಾಜ ತಡೊಳಗೆ ಉಪಸ್ಥಿತರಿದ್ದರು.