ಸಚಿವರ ಮನೆಗೋಗ್ತೀವಿ... ಆದ್ರ ಹೊಂದಾಣಿಕೆಗಲ್ರೀ..!

ಮಂಗಳವಾರ, ಜೂನ್ 18, 2019
25 °C
ವಾರೆಗಣ್ಣು

ಸಚಿವರ ಮನೆಗೋಗ್ತೀವಿ... ಆದ್ರ ಹೊಂದಾಣಿಕೆಗಲ್ರೀ..!

Published:
Updated:
ಸಚಿವರ ಮನೆಗೋಗ್ತೀವಿ... ಆದ್ರ ಹೊಂದಾಣಿಕೆಗಲ್ರೀ..!

ವಿಜಯಪುರ: ‘ಜಲಸಂಪನ್ಮೂಲ ಸಚಿವ ಎಂ.ಬಿ.ಪಾಟೀಲ ಮನೆಗೆ ಹೋಗೋದು ಖರೆ. ಆದ್ರ ವಿಧಾನ ಪರಿಷತ್ ಸದಸ್ಯ ಬಸನಗೌಡ ಪಾಟೀಲ ಯತ್ನಾಳ ಹೇಳದಂಗ ನಾವು ಹೊಂದಾಣಿಕೆಗೆ ಹೋಗಲ್ರೀ...’

ಬಿಜೆಪಿಯ ವಿಜಯಪುರ ಜಿಲ್ಲಾ ಘಟಕದ ಮುಖಂಡರ ಹೊಂದಾಣಿಕೆ ರಾಜಕಾರಣದ ಕುರಿತಂತೆ ಯತ್ನಾಳ ಅವರು ಈಚೆಗೆ ದೂರಿರುವ ಬಗ್ಗೆ ಬಿಜೆಪಿ ಮುಖಂಡ, ಮಾಜಿ ಸಚಿವ ಅಪ್ಪಾಸಾಹೇಬ ಪಟ್ಟಣಶೆಟ್ಟಿ ಪತ್ರಿಕಾಗೋಷ್ಠಿಯಲ್ಲಿ ಉತ್ತರಿಸಿದ ಪರಿಯಿದು.

‘ನಾವು ಜಿಲ್ಲೆಯ ಅಭಿವೃದ್ಧಿ, ಜನರ ಸಮಸ್ಯೆ ಚರ್ಚಿಸಿ, ಪರಿಹಾರ ಕಂಡುಕೊಳ್ಳಲು ಜಲಸಂಪನ್ಮೂಲ ಸಚಿವರ ನಿವಾಸಕ್ಕೆ ಆಗಿಂದಾಗ್ಗೆ ಹೋಗ್ತೀವಿ. ಆದ್ರಾ ಎಂದೂ ನಸುಕಿನಲ್ಲಿ, ತಡರಾತ್ರಿ ಹೋಗಿಲ್ಲ. ಆದ್ರೂ ಯತ್ನಾಳಗೆ ಬಿಜೆಪಿ ಜಿಲ್ಲಾ ನಾಯಕರು ತಡರಾತ್ರಿ ಹೊಂದಾಣಿಕೆ ರಾಜಕಾರಣಕ್ಕಾಗಿ ಎಂ.ಬಿ.ಪಾಟೀಲ ಮನೆಗೆ ಹೋಗಿ ಬರ್ತಾರೆ ಎಂಬುದು ಗೊತ್ತಾಗುತ್ತೆ ಎಂಬುದೇ ಆಶ್ಚರ್ಯ ಕಣ್ರೀ.

‘ಯತ್ನಾಳರೇ ನಿತ್ಯ ಎಂ.ಬಿ.ಪಾಟೀಲರ ಮನೆಗೆ ಹೋಗ್ತಿರಬೇಕು. ಇಲ್ಲಾ ಅಂದ್ರೇ ಜಲಸಂಪನ್ಮೂಲ ಸಚಿವರೇ ನನ್ನ ಮನೆಗೆ ಯಾರ್ಯಾರು ಬರ್ತಾರೆ, ಅವರ ಜತೆ ಏನೇನು ಮಾತುಕತೆ ನಡೆಸ್ತ್ವೀನಿ ಅಂತಾ ಬಸನಗೌಡರಿಗೆ ಹೇಳಬೌದು ಅನ್ಸುತ್ತೆ’ ಎಂಬ ರಾಜಕೀಯ ವಿಶ್ಲೇಷಣೆಯನ್ನು ಮಾಜಿ ಸಚಿವರು ವ್ಯಕ್ತಪಡಿಸುತ್ತಿದ್ದಂತೆ ಗೋಷ್ಠಿಯಲ್ಲಿ ನಗೆಬುಗ್ಗೆ ಚಿಮ್ಮಿತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry