ನವದೆಹಲಿ: ಕಾರ್ ತಯಾರಿಕೆಯ ದೇಶದ ಅತಿದೊಡ್ಡ ಸಂಸ್ಥೆ ಮಾರುತಿ ಸುಜುಕಿ, ದ್ವಿತೀಯ ತ್ರೈಮಾಸಿಕದಲ್ಲಿ ₹ 2,484 ಕೋಟಿಗಳಷ್ಟು ನಿವ್ವಳ ಲಾಭ ಗಳಿಸಿದೆ.
ಹಿಂದಿನ ವರ್ಷದ ಇದೇ ಅವಧಿಯಲ್ಲಿನ ₹ 2,401 ಕೋಟಿಗೆ ಹೋಲಿಸಿದರೆ ಈ ಬಾರಿ ಶೇ 3.4ರಷ್ಟು ಹೆಚ್ಚಳವಾಗಿದೆ. ಈ ಅವಧಿಯಲ್ಲಿ ನಿವ್ವಳ ಮಾರಾಟವು ಶೇ 22ರಷ್ಟು ಹೆಚ್ಚಾಗಿ ₹ 21,438 ಕೋಟಿಗಳಿಗೆ ತಲುಪಿದೆ.
ಜುಲೈ– ಸೆಪ್ಟೆಂಬರ್ ಅವಧಿಯಲ್ಲಿ ಸಂಸ್ಥೆಯು 4.92 ಲಕ್ಷ ವಾಹನಗಳನ್ನು ಮಾರಾಟ ಮಾಡಿದೆ. ಇದರಲ್ಲಿ ರಫ್ತು ಮಾಡಿದ 34,717 ವಾಹನಗಳೂ ಸೇರಿವೆ. ಶುಕ್ರವಾರದ ವಹಿವಾಟಿನಲ್ಲಿ ಸಂಸ್ಥೆಯ ಷೇರು ಬೆಲೆ ₹ 8,171.45ರಷ್ಟಿತ್ತು.