ರಾಜಾಜಿನಗರದಿಂದ ಮೆಜೆಸ್ಟಿಕ್‌ ಕಡೆಗೆ (ಕಾರಂಜಿ ವೃತ್ತ) ಹೋಗುವ ವಾಹನಗಳು ಪಿ.ಎಫ್‌ ವೃತ್ತದಲ್ಲಿ ಎಡತಿರುವು ಪಡೆದು, ಚರ್ಚ್‌ ಬಳಿ ಯು–ತಿರುವು ಪಡೆದು ಕಾರಂಜಿ ವೃತ್ತಕ್ಕೆ ಹೋಗಬೇಕು. ಬಿಎಂಟಿಸಿ ಹಾಗೂ ಕೆಎಸ್‌ಆರ್‌ಟಿಸಿ ಬಸ್‌ಗಳು ಕೃಷ್ಣ ಫ್ಲೋರ್‌ಮಿಲ್‌ ಬಳಿ ಬಲ ತಿರುವು ಪಡೆದು ಧನ್ವಂತರಿ ರಸ್ತೆ ಮೂಲಕ ಮೆಜೆಸ್ಟಿಕ್‌ ಕಡೆಗೆ ಹೋಗಬೇಕು. ಮಲ್ಲೇಶ್ವರದಿಂದ ರಾಜಾಜಿನಗರದ ಕಡೆಗೆ ಹೋಗುವ ವಾಹನಗಳು ಫೌಂಟೇನ್‌ ವೃತ್ತದಲ್ಲಿ ಯು–ತಿರುವು ಪಡೆದು ಪಿ.ಎಫ್‌ ವೃತ್ತದ ಮೂಲಕ ಹೋಗಬೇಕು ಎಂದು ಬಿಬಿಎಂಪಿ ಮುಖ್ಯ ಎಂಜಿನಿಯರ್‌ (ಯೋಜನೆ) ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
