ಇದು ಅಂತರಂಗದ ಸ್ವಚ್ಛತಾ ಅಭಿಯಾನ

ಮಂಗಳವಾರ, ಜೂನ್ 18, 2019
23 °C
ಶಂಕರ ಭಾರತೀ ಸ್ವಾಮೀಜಿ ವ್ಯಾಖ್ಯಾನ

ಇದು ಅಂತರಂಗದ ಸ್ವಚ್ಛತಾ ಅಭಿಯಾನ

Published:
Updated:
ಇದು ಅಂತರಂಗದ ಸ್ವಚ್ಛತಾ ಅಭಿಯಾನ

ಬೆಂಗಳೂರು: ‘ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ದೇಶದ ಬಾಹ್ಯ ಸ್ವಚ್ಛತೆಗೆ ದೊಡ್ಡ ಆಂದೋಲನ ನಡೆಸುತ್ತಿದ್ದರೆ, ನಮ್ಮ ವೇದಾಂತ ಭಾರತೀ ಸಂಸ್ಥೆಯು ಸೌಂದರ್ಯ ಲಹರೀ ಪಾರಾಯಣ ಆಂದೋಲನದ ಮೂಲಕ ಜನರ ಅಂತರಂಗ ಸ್ವಚ್ಛತೆಗೆ ಶ್ರಮಿಸುತ್ತಿದೆ’ ಎಂದು ಯಡತೊರೆ ಮಠದ ಶಂಕರ ಭಾರತೀ ಸ್ವಾಮೀಜಿ ಹೇಳಿದರು.

ನಗರದ ಅರಮನೆ ಮೈದಾನದಲ್ಲಿ ಭಾನುವಾರ ಏರ್ಪಡಿಸಿದ್ದ ಸೌಂದರ್ಯಲಹರೀ ಪಾರಾಯಣೋತ್ಸವ ಮಹಾಸಮರ್ಪಣೆ ಸಮಾರಂಭದ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು. ‘ಪ್ರಧಾನಿಯವರ ಸ್ವಚ್ಛತಾ ಅಭಿಯಾನದಲ್ಲಿ ನಾವು ಪಾಲ್ಗೊಂಡ ಪರಿ ಇದಾಗಿದೆ’ ಎಂದು ಸೂಚ್ಯವಾಗಿ ತಿಳಿಸಿದರು.

‘ಬಹಿರಂಗ ಸ್ವಚ್ಛತೆಯಷ್ಟೇ ಅಂತರಂಗದ ಸ್ವಚ್ಛತೆಯೂ ಮುಖ್ಯ. ಮನಸ್ಸಿನ ಕೊಳೆಯನ್ನು ದೂರಮಾಡುವ ಶಕ್ತಿ ಸೌಂದರ್ಯ ಲಹರಿಗೆ ಇದೆ. ಮನಸ್ಸಿನ ಕೊಳೆ ದೂರವಾದರೆ ಮನುಷ್ಯ ದುಃಖದಿಂದ ವಿಮುಕ್ತನಾಗಿ ಆತನಿಗೆ ಸುಖ ಪ್ರಾಪ್ತಿ ಆಗುತ್ತದೆ’ ಎಂದು ವ್ಯಾಖ್ಯಾನಿಸಿದರು.

‘ಮನುಷ್ಯ ದುಃಖದಿಂದ ಪಾರಾಗಲು ಇರುವ ದಾರಿಗಳ ಕುರಿತು ಉಪನಿಷತ್‌ಗಳಲ್ಲಿ ವಿಷದವಾಗಿ ವಿವರಿಸಲಾಗಿದೆ. ನಮ್ಮ ಎಲ್ಲ ಸ್ಥಿತಿಗಳಿಗೆ ಮನಸ್ಸೇ ಕಾರಣ. ಮನೋನಿಗ್ರಹ ಸಾಧಿಸಿದರೆ ಶಾಂತಿ, ಜ್ಞಾನ ಪ್ರಾಪ್ತಿಯಾಗುತ್ತದೆ. ಅದರಿಂದ ಆನಂದ ಉಂಟಾಗುತ್ತದೆ. ಸೌಂದರ್ಯಲಹರೀ ಪಾರಾಯಣದಿಂದ ಮನೋನಿಗ್ರಹ ಸಾಧಿಸಲು ಸಾಧ್ಯವಿದೆ. ಇದು ಶಂಕರರು ಮನುಕುಲಕ್ಕೆ ಕೊಟ್ಟ ಅನನ್ಯ ಕೊಡುಗೆ’ ಎಂದು ಅವರು ಹೇಳಿದರು.

’ಶಂಕರರು ಕೇವಲ ತಮ್ಮೊಬ್ಬರ ಮನಸಿನ ಕೊಳೆಯನ್ನು ಪರಿಹರಿಸುವಂತೆ ಕೇಳಿಕೊಂಡವರಲ್ಲ. ಸಮಾಜದ ಎಲ್ಲರ ಮನಸ್ಸನ್ನೂ ಪವಿತ್ರವಾಗಿಸು ಎಂದು ಪ್ರಾರ್ಥಿಸಿಕೊಂಡವರು ಅವರು’ ಎಂದು ಸ್ವಾಮೀಜಿ ವಿವರಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry