‘ಸಾಮಾನ್ಯ ವಿಧಾನದಲ್ಲಿ ಮರಳು, ಜಲ್ಲಿಕಲ್ಲು ಹಾಗೂ ಬಿಟಮಿನ್ ಸೇರಿಸಿ 140 ಡಿಗ್ರಿ ಸೆಂಟಿಗ್ರೇಡ್ನಲ್ಲಿ ಮಿಶ್ರಣ ಮಾಡಲಾಗುತ್ತದೆ. ಅದನ್ನು ತಂದು ರಸ್ತೆ ಗುಂಡಿ ಮುಚ್ಚಲಾಗುತ್ತದೆ. ಗುಂಡಿ ಮುಚ್ಚುವಾಗ ಡಾಂಬರಿನ ಮಿಶ್ರಣವು 120 ಡಿಗ್ರಿ ಸೆಂಟಿಗ್ರೇಡ್ ಶಾಖ ಹೊಂದಿರಬೇಕಾಗುತ್ತದೆ. ಆದರೆ, ಡಾಂಬರು ಮಿಶ್ರಣ ಘಟಕದಿಂದ ತರುವ ಹೊತ್ತಿಗೆ ಕನಿಷ್ಠ 2 ಗಂಟೆ ಹಿಡಿದಿರುತ್ತದೆ. ಈ ವೇಳೆಗೆ ಡಾಂಬರು ಮಿಶ್ರಣದ ಶಾಖ ಕಡಿಮೆ ಆಗಿರುತ್ತದೆ. ಗುಂಡಿ ಮುಚ್ಚಿದರೂ ಅದು ರಸ್ತೆಗೆ ಕಚ್ಚಿಕೊಳ್ಳುವುದಿಲ್ಲ. ಇದರಿಂದ ಮತ್ತೆ ಗುಂಡಿ ಬೀಳುತ್ತದೆ’ ಎಂದು ಬಿಬಿಎಂಪಿ ಅಧಿಕಾರಿ ತಿಳಿಸಿದರು.