20 ವರ್ಷ: ₹91.32 ಲಕ್ಷ ಬಾಡಿಗೆ ಬಾಕಿ

ಬುಧವಾರ, ಜೂನ್ 19, 2019
31 °C

20 ವರ್ಷ: ₹91.32 ಲಕ್ಷ ಬಾಡಿಗೆ ಬಾಕಿ

Published:
Updated:
20 ವರ್ಷ: ₹91.32 ಲಕ್ಷ ಬಾಡಿಗೆ ಬಾಕಿ

ಬೆಂಗಳೂರು: ಬೊಮ್ಮನಹಳ್ಳಿಯಲ್ಲಿರುವ ಬಿಬಿಎಂಪಿ ಸಂಕೀರ್ಣದ 32 ಮಳಿಗೆಗಳ ಮಾಲೀಕರು 20 ವರ್ಷಗಳಿಂದ ಬಾಡಿಗೆ ನೀಡಿಲ್ಲ. ಒಟ್ಟು ₹91.32 ಲಕ್ಷ ಬಾಡಿಗೆ ಬರಬೇಕಿದೆ.

ಬಾಡಿಗೆದಾರರ ಸಭೆ ನಡೆಸಿದ್ದ ಬೊಮ್ಮನಹಳ್ಳಿ ವಲಯದ ಜಂಟಿ ಆಯುಕ್ತರು, ಏಪ್ರಿಲ್‌ನೊಳಗೆ ಬಾಡಿಗೆ ಪಾವತಿಸುವಂತೆ ಸೂಚಿಸಿದ್ದರು. ಈ ಸಂಬಂಧ ನೋಟಿಸ್‌ ಜಾರಿ ಮಾಡಿದ್ದರು. ಆದರೆ, ಯಾರೂ ಬಾಡಿಗೆ ಪಾವತಿಸಿರಲಿಲ್ಲ. ಹೀಗಾಗಿ ಮಳಿಗೆಗಳಿಗೆ ಬೀಗ ಹಾಕಿದ್ದರು.

ಜುಲೈ ಅಂತ್ಯದೊಳಗೆ ಬಾಡಿಗೆ ಪಾವತಿಸುವುದಾಗಿ ವ್ಯಾಪಾರಿಗಳು ಮನವಿ ಮಾಡಿದ್ದರು. ಹೀಗಾಗಿ ವ್ಯಾಪಾರಕ್ಕೆ ಅನುವು ಮಾಡಿಕೊಡಲಾಗಿತ್ತು. ಆದರೂ ಬಹುತೇಕರು ಬಾಡಿಗೆ ಪಾವತಿಸಿಲ್ಲ ಎಂದು ಬಿಬಿಎಂಪಿ ಅಧಿಕಾರಿಯೊಬ್ಬರು ತಿಳಿಸಿದರು.

ಇಲ್ಲಿ ಚದರ ಅಡಿಗೆ ₹17 ಬಾಡಿಗೆ ನಿಗದಿಪಡಿಸಲಾಗಿದೆ. ತಿಂಗಳಿಗೆ ₹1,700ರಿಂದ ₹2,500 ಬಾಡಿಗೆ ನಿಗದಿಯಾಗಿದೆ. 1998ರಿಂದಲೂ ಬಾಡಿಗೆ ದರವನ್ನು ಪರಿಷ್ಕರಣೆ ಮಾಡಿಲ್ಲ.

‘ಬಾಕಿ ಬಾಡಿಗೆ ಪಾವತಿಗೆ ಮೂರು ತಿಂಗಳ ಗಡುವು ನೀಡಿದ್ದೇವೆ. ಒಂದು ವೇಳೆ ಕಟ್ಟದಿದ್ದರೆ ಮಳಿಗೆಗಳಿಗೆ ಬೀಗ ಜಡಿಯುತ್ತೇವೆ. ಬಾಕಿ ಹಣ ಪಾವತಿಯಾದ ತಕ್ಷಣ ಹೊಸದಾಗಿ ಟೆಂಡರ್‌ ಕರೆಯುತ್ತೇವೆ. ದರ ಪರಿಷ್ಕರಣೆಯನ್ನೂ ಮಾಡುತ್ತೇವೆ’ ಎಂದು ಬೊಮ್ಮನಹಳ್ಳಿ ವಲಯದ ಜಂಟಿ ಆಯುಕ್ತ ವೀರಭದ್ರಸ್ವಾಮಿ ತಿಳಿಸಿದರು.

ತಿಂಗಳಿಗೆ ₹1.10 ಲಕ್ಷ ವಿದ್ಯುತ್‌ ಬಿಲ್‌

ಸಂಕೀರ್ಣದ ವಿದ್ಯುತ್ ಬಿಲ್ ತಿಂಗಳಿಗೆ ಸರಾಸರಿ ₹1.10 ಲಕ್ಷ ಬರುತ್ತಿದೆ. ಮಳಿಗೆಗಳಿಗೆ ಪ್ರತ್ಯೇಕ ಮೀಟರ್ ಅಳವಡಿಸದ ಕಾರಣ, ವಿದ್ಯುತ್ ಬಿಲ್ ಅನ್ನು ಪಾಲಿಕೆಯೇ ಭರಿಸುತ್ತಿದೆ. ‘ಮಳಿಗೆಗಳಿಗೆ ಪ್ರತ್ಯೇಕ ಮೀಟರ್‌ ಅಳವಡಿಸುತ್ತೇವೆ’ ಎಂದು ವೀರಭದ್ರಸ್ವಾಮಿ ತಿಳಿಸಿದರು.

*

ದೀರ್ಘಕಾಲದಿಂದ ಬಾಡಿಗೆ ವಸೂಲಿ ಮಾಡದಿರುವುದು ತಪ್ಪು. ಸಂಬಂಧಪಟ್ಟ ಅಧಿಕಾರಿಗಳ ವಿರುದ್ಧ ಕ್ರಿಮಿನಲ್‌ ಪ್ರಕರಣ ದಾಖಲಿಸಲು ಆದೇಶಿಸುತ್ತೇನೆ.

– ಎನ್‌. ಮಂಜುನಾಥ ಪ್ರಸಾದ್, ಬಿಬಿಎಂಪಿ ಆಯುಕ್ತ

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry