ಸಲ್ಮಾನ್‌ ಅಭಿಮಾನಿಗಳಿಗೆ ಸಿಹಿ ಸುದ್ದಿ. ‘ದಬಾಂಗ್‌’ ಸರಣಿಯ ಮೂರನೇ ಚಿತ್ರ ಮುಂದಿನ ವರ್ಷದ ಮಧ್ಯಭಾಗದಲ್ಲಿ ಸೆಟ್ಟೇರಲಿದೆಯಂತೆ. ಇದನ್ನು ಸ್ವತಃ ನಿರ್ದೇಶಕ ಅಬ್ಬಾಸ್‌ ಅವರೇ ಹೇಳಿದ್ದಾರೆ. ಇದರ ಜೊತೆಗೆ ಚಿತ್ರದ ಮತ್ತೊಂದು ಆಕರ್ಷಣೆಯನ್ನು ಅವರು ಹೇಳಿಕೊಂಡಿದ್ದಾರೆ. ಅದೇ ಸನ್ನಿ ಲಿಯೋನ್‌ ನೃತ್ಯ.
ದಬಾಂಗ್‌ ಸರಣಿಯಲ್ಲಿ ಸಲ್ಮಾನ್‌ ಖಾನ್‌ ನಟನೆಯ ಜತೆ ಹೆಚ್ಚು ಪ್ರಸಿದ್ಧಿ ಗಳಿಸಿದ್ದು ಸಿನಿಮಾದ ಐಟಂ ಸಾಂಗ್‌ಗಳು. ಮೊದಲ ಸರಣಿಯ ‘ಮುನ್ನಿ ಬದನಾಮ್‌ ಹುಯಿ..’ ಹಾಗೂ ಸರಣಿ ಎರಡರ ಕರೀನಾ ಹೆಜ್ಜೆ ಹಾಕಿದ ‘ಫೆವಿಕಾಲ್‌... ’ ಜನರನ್ನು ಹುಚ್ಚೆಬ್ಬಿಸಿದ್ದವು.
ಮೂರನೇ ಸರಣಿಗೆ ಸನ್ನಿ ಲಿಯೋನ್‌ ಐಟಂ ಸಾಂಗ್‌ನಲ್ಲಿ ಸನ್ನಿ ಲಿಯಾನ್‌ ಅಭಿನಯಿಸಲಿದ್ದಾರೆ ಎಂದು ಅಬ್ಬಾಸ್‌ ಹೇಳಿದ್ದು ದಬಾಂಗ್‌ ಪ್ರೇಮಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ.
ಕೇವಲ ಐಟಂ ಸಾಂಗ್‌ಗೆ ಅಷ್ಟೇ ಅಲ್ಲದೆ, ಸನ್ನಿ ಲಿಯೋನ್‌ ಈ ಸಿನಿಮಾದಲ್ಲಿ ವಿಶೇಷ ಪಾತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರಂತೆ. ದಬಾಂಗ್‌ 1 ಮತ್ತು 2 ಸೂಪರ್ ಹಿಟ್‌ ಆಗಿದ್ದವು. ದಬಾಂಗ್‌ 3ಯ ವಿಭಿನ್ನತೆಯ ಬಗೆಗೆ ಚರ್ಚೆ ಶುರುವಾಗಿದೆ.
