ಚಿನ್ನಕ್ಕೆ ಕೊರಳೊಡ್ಡಿದ ಮನೋಜ್‌

ಬುಧವಾರ, ಜೂನ್ 19, 2019
25 °C

ಚಿನ್ನಕ್ಕೆ ಕೊರಳೊಡ್ಡಿದ ಮನೋಜ್‌

Published:
Updated:
ಚಿನ್ನಕ್ಕೆ ಕೊರಳೊಡ್ಡಿದ ಮನೋಜ್‌

ವಿಶಾಖಪಟ್ಟಣ: ಭಾರತದ ಮನೋಜ್‌ ಕುಮಾರ್‌ ಸತತ ಎರಡನೇ ಬಾರಿಗೆ ಇಲ್ಲಿ ನಡೆದ ರಾಷ್ಟ್ರೀಯ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಚಿನ್ನಕ್ಕೆ ಕೊರಳೊಡ್ಡಿದ್ದಾರೆ.

ನಿಖರ ಪಂಚ್ ಹಾಗೂ ಪ್ರಬಲ ಹೊಡೆತಗಳಿಂದ ಗಮನಸೆಳೆದ ಭಾರತದ ಆಟಗಾರ ಪುರುಷರ 69ಕೆ.ಜಿ ವಿಭಾಗದ ಸ್ಪರ್ಧೆಯಲ್ಲಿ 4–1ರಲ್ಲಿ ದುರ್ಯೋಧನ್ ಸಿಂಗ್‌ ಅವರನ್ನು ಮಣಿಸಿದರು.

ರೈಲ್ವೇಸ್‌ ಸ್ಪೋರ್ಟ್ಸ್ ಪ್ರಮೋಷನ್ ಬೋರ್ಡ್‌ (ಆರ್‌ಎಸ್‌ಪಿಬಿ) ಪ್ರತಿನಿಧಿಸಿದ್ದ ಮನೋಜ್‌ ಎದುರಾಳಿಗೆ ಪಾಯಿಂಟ್ಸ್ ಕಲೆಹಾಕಲು ಅವಕಾಶ ನೀಡದೇ ಆರಂಭದಿಂದಲೇ ಆಕ್ರಮಣಕಾರಿಯಾಗಿ ಆಡಿದರು.

ಶಿವಥಾಪಗೆ ಬೆಳ್ಳಿ: ಹಾಲಿ ಚಾಂಪಿಯನ್ ಶಿವಥಾಪ ಪುರುಷರ 60ಕೆ.ಜಿ ಲೈಟ್‌ವೇಟ್‌ ವಿಭಾಗದ ಫೈನಲ್‌ನಲ್ಲಿ ಮನೀಷ್ ಕೌಶಿಕ್ ವಿರುದ್ಧ ಸೋತರು.

ಕಿಂಗ್ಸ್‌ ಕಪ್‌ನಲ್ಲಿ ಚಿನ್ನ ಗೆದ್ದುಕೊಂಡಿದ್ದ ಆರ್‌ಎಸ್‌ಪಿಬಿಯ ಶ್ಯಾಮ್‌ ಕುಮಾರ್ 49ಕೆ.ಜಿ ವಿಭಾಗದ ಫೈನಲ್‌ನಲ್ಲಿ 3–2ರಲ್ಲಿ ಮಿಜೋರಾಂನ ಲಾಲ್‌ಬಿಯಾಕಿಮಾ ವಿರುದ್ಧ ಜಯದಾಖಲಿಸುವ ಮೂಲಕ ಚಿನ್ನ ಗೆದ್ದರು.

ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿ ಬೆಳ್ಳಿ ಗೆದ್ದುಕೊಂಡಿದ್ದ ಮನ್‌ದೀಪ್‌ ಜಾಂಗ್ರ ಮೊದಲ ಬಾರಿಗೆ ಇಲ್ಲಿ ಚಿನ್ನ ಗೆದ್ದಿದ್ದಾರೆ. 75ಕೆ.ಜಿ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಅವರು 5–0ರಲ್ಲಿ ಮಿಜೋರಾಂನ ವಾನ್‌ಹಿಲ್‌ಪೂನಿಯಾ ವಿರುದ್ಧ ಗೆದ್ದರು.

ಏಷ್ಯನ್ ಕ್ರೀಡಾಕೂಟದಲ್ಲಿ ಕಂಚು ಗೆದ್ದಿದ್ದ ಸತೀಶ್‌ 91ಕೆ.ಜಿ ಹೆವಿವೇಟ್ ವಿಭಾಗದಲ್ಲಿ 5–0ರಲ್ಲಿ ರಲ್ಲಿ ಹರಿಯಾಣದ ಪ್ರವೀಣ್ ಕುಮಾರ್ ಎದುರು ಗೆದ್ದರು.

ಎಸ್‌ಎಸ್‌ಸಿಬಿಯ ಮದನ್‌ ಲಾಲ್‌ 56ಕೆ.ಜಿ ಬಾಂಥಮ್‌ವೇಟ್‌ ವಿಭಾಗದ ಚಿನ್ನ ಗೆದ್ದರು. ಫೈನಲ್‌ನಲ್ಲಿ ಅವರು 3–2ರಲ್ಲಿ ಗೋವಾದ ಸಂತೋಷ್‌ ಹರಿಜನ್ ವಿರುದ್ಧ ಗೆದ್ದರು. 64ಕೆ.ಜಿ ಲೈಟ್ ವೆಲ್ಟರ್‌ವೇಟ್‌ ವಿಭಾಗದಲ್ಲಿ ಎಸ್‌ಎಸ್‌ಸಿಬಿಯ ಧೀರಜ್‌ ರಾಂಗಿ ಚಾಂಪಿಯನ್ ಆದರು. ಮಧ್ಯಪ್ರದೇಶದ ಬಸಂತ್‌ ಥಾಪ್ರ ಎದುರು ಅವರಿಗೆ ವಾಕ್‌ಓವರ್ ಲಭಿಸಿದೆ.

ಮುಖ್ಯಾಂಶಗಳು

* 81ಕೆ.ಜಿ ವಿಭಾಗದಲ್ಲಿ ಮನೀಷ್‌ ಪನ್ವರ್‌ಗೆ ಚಿನ್ನ

* ಸತೀಶ್‌ 91ಕೆ.ಜಿ ಹೆವಿವೇಟ್ ವಿಭಾಗದಲ್ಲಿ ಚಾಂಪಿಯನ್‌

* 52ಕೆ.ಜಿ ವಿಭಾಗದಲ್ಲಿ ಆರ್‌ಎಸ್‌ಪಿಬಿಯ ಸಲ್ಮಾನ್‌ ಶೇಖ್‌ ಚಿನ್ನ ಗೆದ್ದರು

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry