ಇತಿಹಾಸಕಾರ ಇರ್ಫಾನ್ ಹಬೀಬ್ ಅವರು, ‘ಟಿಪ್ಪುವು ಪ್ರಜಾಪೀಡಕನೂ ಅಲ್ಲ, ಸ್ವಾತಂತ್ರ್ಯ ಹೋರಾಟಗಾರನೂ ಅಲ್ಲ’ ಎಂದು ಹೇಳಿರುವುದು ಅಷ್ಟರಮಟ್ಟಿಗೆ ಸ್ವಾಗತಾರ್ಹವಾಗಿದೆ. ಇದು ಟಿಪ್ಪುವಿನ ವ್ಯಕ್ತಿತ್ವವನ್ನು ಕುಂದಿಸುವುದೂ ಇಲ್ಲ, ವೈಭವೀಕರಿಸುವುದೂ ಇಲ್ಲ. ಆದರೆ, ‘ಬ್ರಿಟಿಷರ ವಿರುದ್ಧ ಭಾರತದ ಹೋರಾಟದಲ್ಲಿ ಆತ ಖಂಡಿತವಾಗಿಯೂ ಪ್ರಮುಖ ವ್ಯಕ್ತಿಯಾಗಿ ಪರಿಗಣಿತನಾಗುತ್ತಾನೆ’ ಎಂದೂ ಅವರು ಹೇಳಿರುವುದು ವಿಶೇಷವಾಗಿ ಗಮನಿಸುವಂತಹದ್ದಾಗಿದೆ.