ಸೋಮವಾರ, ಮಾರ್ಚ್ 8, 2021
32 °C

ಕೃತಕ ಹೃದಯದ ತಯಾರಿಯಲ್ಲಿ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೃತಕ ಹೃದಯದ ತಯಾರಿಯಲ್ಲಿ!

ಝೂರಿಚ್‌ ವಿಶ್ವವಿದ್ಯಾಲಯದ ತಂಡವೊಂದು ಕೈಗೊಂಡಿರುವ ಕೃತಕ ಹೃದಯ ತಯಾರಿ ಯತ್ನ ಸಫಲವಾದರೆ ಜಗತ್ತಿನಲ್ಲಿ ಸಾವಿರಾರು ಮಂದಿಯ ಬದುಕು ಮತ್ತೆ ಲಯಬದ್ಧವಾದೀತು. ಹೃದ್ರೋಗಿಗಳ ಬದುಕಿನಲ್ಲಿ ಹೊಸ ಆಶಾಕಿರಣ ಮೂಡಿಸುವ ಮಹತ್ವಾಕಾಂಕ್ಷಿ ಯೋಜನೆ ಇದು.

ಈ ತಂಡವು ಕೆಲವು ವರ್ಷಗಳಿಂದ ಈ ಸಂಬಂಧ ಅಧ್ಯಯನ ಮತ್ತು ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿದೆ. ಇದೀಗ ಹೃದಯದ ವಿವಿಧ ಭಾಗಗಳನ್ನು ತಯಾರಿಸುವ ಹಂತ ತಲುಪಿದೆ. ಯಾವುದೇ ಅಂಗವನ್ನು ಕಸಿ ಮಾಡಿದ ನಂತರ ಅದು ಫಲಾನುಭವಿಯ ದೇಹಕ್ಕೆ ಒಗ್ಗದೇ ಇರುವ ಮತ್ತು ಸೋಂಕು ತಗುಲುವ ಅಪಾಯ ಹೆಚ್ಚು. ಕೃತಕ ಹೃದಯವನ್ನು ಕಸಿ ಮಾಡಿದಾಗ ಇಂತಹ ಸಮಸ್ಯೆ ಎದುರಾಗಬಾರದು ಎನ್ನುವುದು ತಂಡದ ಗುರಿ. ಯಾವುದೇ ರಕ್ತದ ಗುಂಪು ಹಾಗೂ ದೇಹಸ್ಥಿತಿಯ ವ್ಯಕ್ತಿಗೆ ಹೊಂದುವಂತೆ ಹೃದಯವನ್ನು ರೂಪಿಸುವ ಪ್ರಯತ್ನಗಳು ಸಾಗಿವೆ.

‘ಮಾನವನ ಹೃದಯವು ವಿಭಿನ್ನ ಪದರಗಳ ಜೀವಕೋಶಗಳಿಂದ ಕೂಡಿರುತ್ತದೆ. ಹೃದಯದ ಬಡಿತ ಸರಾಗವಾಗಿ ನಡೆಯಲು ನಾರಿನಂಥ ಮಾಂಸಗುಚ್ಛಗಳ (ಮಸಲ್‌ ಫೈಬರ್‌) ಪಾತ್ರ ದೊಡ್ಡದು. ಈ ಮಾಂಸಗುಚ್ಛಗಳನ್ನು ಹಲವು ಪದರಗಳಲ್ಲಿ ಅಭಿವೃದ್ಧಿಪಡಿಸುವುದು ನಮ್ಮೆದುರು ಇರುವ ಸವಾಲು’ ಎಂದಿದ್ದಾರೆ ತಂಡದ ಸದಸ್ಯ, ಸಂಶೋಧಕ ಲ್ಯೂಕಸ್‌.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.