ಸೋಲ್: ಬಿಗಿ ಭದ್ರತೆ ನಡುವೆಯೂ ಉತ್ತರ ಕೊರಿಯಾದ ಯೋಧರೊಬ್ಬರು ಸೋಮವಾರ ದಕ್ಷಿಣ ಕೊರಿಯಾದ ಸೈನಿಕರತ್ತ ಆರಕ್ಕೂ ಹೆಚ್ಚು ಸಲ ಗುಂಡು ಹಾರಿಸಿ ಬಳಿಕ ನಾಟಕೀಯವಾಗಿ ತನ್ನ ಪಡೆಯತ್ತ ಹಿಂದಿರುಗಿದ್ದಾರೆ.
ಕೊರಿಯಾದ ಪನಾಮುಂಜುಮ್ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ಅಮೆರಿಕ ನೇತೃತ್ವದ ವಿಶ್ವಸಂಸ್ಥೆ ಶಾಂತಿ ಪಾಲನೆ ಪಡೆಯು ಈ ಪ್ರದೇಶದಲ್ಲಿ ಪರಿಸ್ಥಿತಿಯನ್ನು ಅವಲೋಕಿಸುತ್ತಿದೆ. ಈ ಪ್ರದೇಶದಲ್ಲಿ ಉತ್ತರ ಮತ್ತು ದಕ್ಷಿಣ ಕೊರಿಯಾ ಭಾರಿ ಪ್ರಮಾಣದಲ್ಲಿ ಸೈನಿಕರನ್ನು ನಿಯೋಜಿಸಿವೆ.
ಯೋಧ ವಾಹನದೊಂದಿಗೆ ದಕ್ಷಿಣ ಕೊರಿಯಾದ ಗಡಿ ದಾಟಿದ್ದು, ಈ ಸಂದರ್ಭದಲ್ಲಿ ಉತ್ತರಕೊರಿಯಾದ ಯೋಧರು ಗುಂಡಿನ ದಾಳಿ ನಡೆಸಿದ್ದಾರೆ.