1882ರ ಆಗಸ್ಟ್ನಲ್ಲಿ ಇಂಗ್ಲೆಂಡ್ ತಂಡ ತವರಿನ ನೆಲದಲ್ಲಿ ಮೊದಲ ಬಾರಿ ಆಸ್ಟ್ರೇಲಿಯಾ ಎದುರು ಸರಣಿ ಸೋತಿತ್ತು. ಆಗ ದಿ ಸ್ಪೋರ್ಟಿಂಗ್ ಟೈಮ್ಸ್ ಪತ್ರಿಕೆ ಇಂಗ್ಲೆಂಡ್ನಲ್ಲಿ ಕ್ರಿಕೆಟ್ ಸತ್ತುಹೋಗಿದೆ ಎಂದು ‘ನಿಧನ ವಾರ್ತೆ’ ಪ್ರಕಟಿಸಿತ್ತು. `ಇಂಗ್ಲೆಂಡ್ ಕ್ರಿಕೆಟ್ನ ಅಂತ್ಯಕ್ರಿಯೆ ನಡೆದಿದ್ದು , ಚಿತಾಭಸ್ಮವನ್ನು ಆಸ್ಟ್ರೇಲಿಯಾಕ್ಕೆ ಕೊಂಡೊಯ್ಯಲಾಗಿದೆ' ಎಂದು ಪತ್ರಿಕೆ ಬರೆದಿತ್ತು. ಬಳಿಕ ಇಂಗ್ಲೆಂಡ್ ತಂಡ ಕಾಂಗರೂ ನಾಡಿನ ಪ್ರವಾಸ ಕೈಗೊಂಡಿತ್ತು.