ಮಂಗಳವಾದ್ಯಗಳು, ಕಳಸಹೊತ್ತ ಮಹಿಳೆಯರು, ಕೋಲು ಕುಣಿತ, ವೀರಗಾಸೆ ಕುಣಿತ, ಗಾರಡಿ ಬೊಂಬೆಗಳು, ಅಲಂಕೃತ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬಸ್, ತಮಟೆ ವಾದ್ಯಗಳು, ವಾಲ್ಮೀಕಿ ಭಾವಚಿತ್ರಗಳನ್ನು ಹೊತ್ತ ಬೆಳ್ಳಿ ಕುದುರೆ ಸಾರೋಟುಗಳು ಮೆರವಣಿಗೆಗೆ ಸಾಥ್ ನೀಡಿದ್ದವು. ನೂರಾರು ಜನ ಯುವಕರು ಕುಣಿದು ಕುಪ್ಪಳಿಸುತ್ತಿದ್ದರು. ಸುತ್ತಮುತ್ತಲ ಗ್ರಾಮಗಳಿಂದ ಬಂದಿದ್ದ ವಾಲ್ಮೀಕಿ ಪಲ್ಲಕ್ಕಿಗಳು ಸಾಲು ಸಾಲಾಗಿ ರಸ್ತೆಗಳಲ್ಲಿ ಸಂಚರಿಸುತ್ತಿದ್ದ ದೃಶ್ಯ ಮನಮೋಹಕವಾಗಿತ್ತು.