ಕಿತ್ತಳೆ: ಕೆ.ಜಿ.ಗೆ ₹ 30 ಇಳಿಕೆ

ಈ ಬಾರಿ ಕಿತ್ತಳೆ ಬೆಳೆ ಚೆನ್ನಾಗಿದ್ದು, ಮುಂಬರುವ ಹೆಚ್ಚಿನ ಪ್ರಮಾಣದಲ್ಲಿ ಕಿತ್ತಳೆ ಮಾರುಕಟ್ಟೆಗೆ ಬರುವ ಸಾಧ್ಯತೆ ಇದ್ದು, ಹಣ್ಣಿನ ದರ ಇನ್ನೂ ಕಡಿಮೆ ಯಾಗುವ ಸಾಧ್ಯತೆ ಇದೆ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಸೈಯದ್‌ ಜಫರ್‌.

ಕಿತ್ತಳೆ ಪ್ರಿಯರಿಗೆ ಹಣ್ಣು ಕಳೆದ ವಾರಕ್ಕಿಂತ ಈ ವಾರ ₹ 30 ಅಗ್ಗವಾಗಿ ಸಿಗುತ್ತಿದ್ದು, ಗ್ರಾಹಕರಿಗೆ ಅಗ್ಗವಾಗಿದೆ. ಆದರೆ, ಬೆಳೆಗಾರರಿಗೆ ₹ 30 ನಷ್ಟವಾಗಿದ್ದು, ಹುಳಿಯಾಗಿ ಪರಿಣಮಿಸಿದೆ.

ಸೇಬು ಕೆ.ಜಿ ಗೆ ₹ 100, ಕೆ.ಜಿ ಬಾಳೆಹಣ್ಣಿಗೆ ₹ 70, ಕೆ.ಜಿ ದಾಳಿಂಬೆಗೆ ₹ 100, ಸೀತಾಫಲ ಕೆ.ಜಿಗೆ ₹ 100, ಮೂಸಂಬೆ ಹಣ್ಣು ಕೆ.ಜಿಗೆ ವಾರದ ಹಿಂದೆ ₹ 100ಕ್ಕೆ ಮಾರಾಟವಾಗುತ್ತಿದ್ದು, ಈ ವಾರ ₹ 80ಕ್ಕೆ ಮಾರಾಟವಾಗುತ್ತಿದೆ. ಅನಾನಸ್‌ ಕೆ.ಜಿ.ಗೆ ₹ 50, ಕೆ.ಜಿ ದ್ರಾಕ್ಷಿಗೆ ಕಳೆದ ವಾರ ₹ 200 ಇದ್ದು, ಈ ವಾರ ₹ 180ಕ್ಕೆ ಮಾರಾಟವಾಗುತ್ತಿದೆ. ಪಪ್ಪಾಯ ಮತ್ತು ಕಲ್ಲಂಗಡಿ ಹಣ್ಣು ಕೆ.ಜಿ ಗೆ ₹ 30, ಸಪೋಟ ಕೆ.ಜಿ.ಗೆ 100, 3ಕಿವಿ ಹಣ್ಣು ₹ 100ಕ್ಕೆ ಮಾರಾಟವಾಗುತ್ತಿದೆ.

ಉಳಿದಂತೆ ಬೀನ್ಸ್‌ ಕಳೆದವಾರ ಕೆ.ಜಿ.ಗೆ ₹ 50 ಇತ್ತು, ಈ ವಾರ ₹ 40ಕ್ಕೆ ಮಾರಾಟವಾಗುತ್ತಿದೆ. ಕೆ.ಜಿ ಆಲೂಗೆಡ್ಡೆಗೆ ₹ 20, ಕ್ಯಾರೆಟ್‌ ಕೆ.ಜಿ.ಗೆ ₹ 80, ಹಾಗಲಕಾಯಿ ಕೆ.ಜಿಗೆ ₹ 40, ದಪ್ಪ ಮೆಣಸಿನ ಕಾಯಿ ಕೆ.ಜಿಗೆ ₹ 60, ಟೊಮೆಟೊ ಕೆ.ಜಿ.ಗೆ 40, ಈರುಳ್ಳಿ ಕೆ.ಜಿ.ಗೆ ₹ 50, ಕೆ.ಜಿ. ಅವರೆ ಕಾಯಿಗೆ ₹ 50, ನುಗ್ಗೆಕಾಯಿ ₹ 100, ರಂತೆ ಮಾರಾಟವಾದರೆ, ಕೊತ್ತಂಬರಿ 4 ಕಂತೆಗೆ ₹ 10, ಪಾಲಾಕ್, ಲಾಳಿ ಮತ್ತು ದಂಟು ಸೊಪ್ಪನ್ನು ಒಂದು ಕಂತೆಗೆ ₹ 5 ರಿಂದ ₹ 6 ರಂತೆ ಮಾರಾಟಮಾಡಲಾಗುತ್ತಿದೆ.