ಹತ್ತಿ, ಗೋವಿನಜೋಳ ಆವಕ ಹೆಚ್ಚಳ

ಬಿಟಿ ಹತ್ತಿ (ಉತ್ತಮ) ಕ್ವಿಂಟಲ್‌ಗೆ ₹ 4,700 ದಿಂದ ₹ 5,200 ವರೆಗೆ ಹಾಗೂ ಡಿಸಿಎಚ್‌ ಹತ್ತಿ ₹ 4,900 ರಿಂದ ₹5,300 ವರೆಗೆ ಹಾಗೂ ಬೀಕಲು ಹತ್ತಿ ₹ 1,500 ದಿಂದ ₹  2,500 ತನಕ, ಉತ್ತಮ ಗೋವಿನಜೋಳ ಕ್ವಿಂಟಲ್‌ಗೆ ₹ 1,230 ರಿಂದ ₹ 1,250 ವರೆಗೆ ಹಾಗೂ ಸಾಧಾರಣ ಗೋವಿನ ಜೋಳ ಕ್ವಿಂಟಲ್‌ಗೆ ₹ 1,000 ರಿಂದ ₹ 1,100ರ ವರೆಗೆ ದರವಿತ್ತು’ ಎಂದು ವರ್ತಕ ಜಿ.ಜಿ.ಹೊಟ್ಟಿಗೌಡ್ರ ತಿಳಿಸಿದರು.

‘ಹತ್ತಿ ಅಥವಾ ಗೋವಿನಜೋಳವನ್ನು ಗ್ರೇಡಿಂಗ್‌ ಮಾಡಿ ಮಾರುಕಟ್ಟೆಗೆ ತರಬೇಕು’ ಎಪಿಎಂಸಿ ಸಿಬ್ಬಂದಿ ಎಂ.ವಿ.ಕಮ್ಮಾರ ಮನವಿ ಮಾಡಿದ್ದಾರೆ. ರೈತರ ಕೃಷಿ ಉತ್ಪನ್ನಗಳಿಗೆ ಸ್ಪರ್ಧಾತ್ಮಕ ಬೆಲೆ ದೊರಕಿಸಿಕೊಡುವುದೇ ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯ ಮೂಲ ಉದ್ದೇಶ ಎಂದು ಸಮಿತಿ ಅಧ್ಯಕ್ಷ ಮಂಜನಗೌಡ ಪಾಟೀಲ ‘ಪ್ರಜಾವಾಣಿ’ಗೆ ತಿಳಿಸಿದರು.

ತೂಕದ ಯಂತ್ರ ಪರಿಶೀಲನೆ: ಮಾರುಕಟ್ಟೆಯ ಅಂಗಡಿ–ಮುಂಗಟ್ಟುಗಳಿಗೆ ಭೇಟಿ ನೀಡಿದ  ಮಾರುಕಟ್ಟೆಯ ತೂಕದ ಸಿಬ್ಬಂದಿ, ಡಿಜಿಟಲ್‌ ತೂಕದ ಯಂತ್ರಗಳನ್ನು (ಕಾಟಾ) ಪರಿಶೀಲಿಸಿದರು.

‘ಕೆಲ ಅಂಗಡಿಗಳ ಡಿಜಿಟಲ್‌ ಯಂತ್ರಗಳಲ್ಲಿ ದೋಷಗಳು ಕಂಡು ಬಂದಿವೆ, ಅವುಗಳನ್ನು ಕೂಡಲೇ ಸರಿಪಡಿಸಿಕೊಳ್ಳುವಂತೆ ನೋಟಿಸ್‌ ನೀಡಲಾಗಿದೆ’ ಎಂದು ಮಾರುಕಟ್ಟೆ ಹಿರಿಯ ಮೇಲ್ವಿಚಾರಕ ಪರಮೇಶ್ವರಪ್ಪ ನಾಯಕ ತಿಳಿಸಿದರು.