ಸೋಮವಾರ, ಮಾರ್ಚ್ 1, 2021
24 °C

ಜಿಎಸ್‌ಟಿ ಮರುಪಾವತಿಗೆ 10 ಸಾವಿರ ಅರ್ಜಿ

ಪಿಟಿಐ Updated:

ಅಕ್ಷರ ಗಾತ್ರ : | |

ಜಿಎಸ್‌ಟಿ ಮರುಪಾವತಿಗೆ 10 ಸಾವಿರ ಅರ್ಜಿ

ನವದೆಹಲಿ: ಜಿಎಸ್‌ಟಿ ವ್ಯವಸ್ಥೆಯಲ್ಲಿ ನವೆಂಬರ್‌ ತಿಂಗಳವರೆಗೆ 10,000ಕ್ಕೂ ಹೆಚ್ಚು ರಫ್ತುದಾರರು ತೆರಿಗೆ ಮರುಪಾವತಿಗಾಗಿ ಅರ್ಜಿ ಸಲ್ಲಿಸಿದ್ದಾರೆ.

ಮರುಪಾವತಿಗೆ ಸಲ್ಲಿಸಿರುವ ಮೊತ್ತವು ನಿರ್ದಿಷ್ಟ ತಿಂಗಳಿನಲ್ಲಿ ಪಾವತಿಸಿರುವ ತೆರಿಗೆ ಮೊತ್ತಕ್ಕಿಂತಲೂ ಹೆಚ್ಚಾಗದಂತೆ ಖಾತರಿ ಪಡಿಸಿ ಎಂದು ಜಿಎಸ್‌ಟಿಎನ್‌ ರಫ್ತುದಾರರನ್ನು ಕೇಳಿದೆ.

ಕೇಂದ್ರ ಅಬಕಾರಿ ಮತ್ತು ಸೀಮಾ ಸುಂಕ ಮಂಡಳಿಯು (ಸಿಬಿಇಸಿ) ನವೆಂಬರ್ ತಿಂಗಳಿನಿಂದ ತೆರಿಗೆ ಮರುಪಾವತಿಸುವ ಪ್ರಕ್ರಿಯೆ ಆರಂಭಿಸಿದೆ. ಸಮಗ್ರ ಜಿಎಸ್‌ಟಿ ಪಾವತಿಸಿರುವ ಮತ್ತು ಜಿಎಸ್‌ಟಿಆರ್‌–1ರಲ್ಲಿ ‘ಟೇಬಲ್‌ 6ಎ’ ಮೂಲಕ ಸರಕುಗಳ ರಪ‍್ತು ಬಿಲ್‌ ಸಲ್ಲಿಸಿರುವವರಿಗೆ ಮರುಪಾವತಿ ನೀಡಲಾಗುತ್ತಿದೆ.

ಜಿಎಸ್‌ಟಿ ಜಾರಿಯಾಗಿ ನಾಲ್ಕು ತಿಂಗಳಲ್ಲಿ ₹ 6,500 ಕೋಟಿ ತೆರಿಗೆ ಮರುಪಾವತಿ ಮಾಡಲಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.

ಮರುಪಾವತಿ ಪಡೆಯಲು ರಫ್ತುದಾರರು ನಿರ್ದಿಷ್ಟ ತಿಂಗಳ ಜಿಎಸ್‌ಟಿಆರ್‌–3ಬಿ ಸಲ್ಲಿಸಬೇಕು. ಮರುಪಾವತಿ ಮೊತ್ತವು ಜಿಎಸ್‌ಟಿಆರ್–3ಬಿನಲ್ಲಿ ಪಾವತಿಸಿದ ಮೊತ್ತಕ್ಕಿಂತಲೂ ಹೆಚ್ಚಿಗೆ ಇರಬಾರದು.

ತಾಂತ್ರಿಕ ಸಮಸ್ಯೆ, ಲೆಕ್ಕಪತ್ರ ಮಾಹಿತಿ ಹೊಂದಾಣಿಕೆ ಆಗದೇ ಇರುವುದರಿಂದ ಜಿಎಸ್‌ಟಿಆರ್‌–3ಬಿ ಸಲ್ಲಿಕೆಯಲ್ಲಿ ಇಳಿಕೆ ಕಂಡುಬರುತ್ತಿದೆ. ಜುಲೈನಲ್ಲಿ 55.87 ಲಕ್ಷ, ಆಗಸ್ಟ್‌ (51.37 ಲಕ್ಷ) ಮತ್ತು  ಸೆಪ‍್ಟೆಂಬರ್‌ನಲ್ಲಿ 42 ಲಕ್ಷ ರಿಟರ್ನ್‌ ಸಲ್ಲಿಕೆಯಾಗಿವೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.