ಕೃಷಿ ಮೇಳಕ್ಕೆ ವ್ಯಾಪಕ ಸ್ಪಂದನೆ

ಎರಡನೇ ದಿನವಾದ ಗುರುವಾರ ಅಧಿಕ ಸಂಖ್ಯೆಯ ಜನರು ಜಮಾಯಿಸಿದ್ದರು. ಮಹಿಳೆಯರು, ವಿದ್ಯಾರ್ಥಿಗಳು ತಾವು ಕಡಿಮೆ ಇಲ್ಲ ಎಂಬಂತೆ ಭಾಗವಹಿಸಿದ್ದರು.

ವಿಶ್ವ ಮಣ್ಣು ಆರೋಗ್ಯ ದಿನಾಚರಣೆ ಅಂಗವಾಗಿ ತಾಲ್ಲೂಕು ಆಡಳಿತ, ತಾಲ್ಲೂಕು ಪಂಚಾಯ್ತಿ, ಕೃಷಿ ಮತ್ತು ಕೃಷಿ ಸಂಬಂಧಿತ ಇಲಾಖೆಗಳು, ಕೃಷಿ ಸಂಶೋಧನಾ ಕೇಂದ್ರ ಮುಧೋಳ ಮತ್ತು ಕೃಷಿಕ ಸಮಾಜ ಮುಧೋಳ, ಜಿಲ್ಲಾ ಪ್ರಾಂತೀಯ ಸಹಕಾರ ಸಾವಯವ ಕೃಷಿಕರ ಸಂಘಗಳು, ವಿಜಯಪುರ ಇವರ ಸಂಯುಕ್ತ ಆಶ್ರಯದಲ್ಲಿ ಮೇಳ ಆಯೋಜಿಸಲಾಗಿದೆ.

150 ವಿವಿಧ ಮಳಿಗೆಗಳಲ್ಲಿ, ಕೃಷಿ ಉಪಕರಣ, ಯಂತ್ರೋಪಕರಣ, ಟ್ರ್ಯಾಕ್ಟರ್, ಹನಿ ನಿರಾವರಿ, ಪೋಷಕಾಂಶಗಳು, ಶ್ರೀಗಂಧ, ಹೆಬ್ಬೇವು ತಳಿಗಳ ಮಾಹಿತಿ, ಸುಧಾರಿತ ಹೆಚ್ಚಿನ ಇಳುವರಿಯ ಬೀಜಗಳು, ಪುಷ್ಪ ಬೀಜಗಳು, ಕ್ರಿಮಿನಾಶಕಗಳು, ತರೇವಾರಿ ವಸ್ತುಗಳ ಪ್ರದರ್ಶನ ಜೋರಾಗಿತ್ತು. ಪರಿಸರ ಸ್ನೇಹಿ ಹೊಗೆ ರಹಿತ, ಶಬ್ದ ರಹಿತ ವಿದ್ಯುತ್ ಇ–ರೀಕ್ಷಾ ನೋಡುವುದಕ್ಕೆ ಹಾಗೂ ಅದರಲ್ಲಿ ಸವಾರಿಮಾಡಲು ಮುಗಿಬಿದ್ದಿರು. ಇದು ಆಕರ್ಷಣೆಯ ಕೇಂದ್ರ ಬಿಂದು ಆಗಿತ್ತು

ಸಹಾಯಕ ಕೃಷಿ ನಿರ್ದೇಶಕ ಆರ್.ಜಿ.ನಾಗಣ್ಣವರ ಹಾಗೂ ಸಿಬ್ಬಂದಿ ಸ್ಥಳದಲ್ಲೆ ಇದ್ದು ಕೃಷಿಕರಿಗೆ ಮಾಹಿತಿ ನೀಡುತ್ತಿದ್ದರು.