ಗೋಶಾಲೆ ಆರಂಭಿಸಿ

ಬೀಡಾಡಿ ದನಗಳ ಸಂಖ್ಯೆ ಹಳ್ಳಿಗಳಲ್ಲಿ ಜಾಸ್ತಿ ಆಗುತ್ತಿದೆ. ಆರ್ಥಿಕವಾಗಿ ಲಾಭ ತರದ ದನಗಳನ್ನು ಸಾಕುವುದು ರೈತರಿಗೆ ಕಷ್ಟವಾಗುವುದರಿಂದ ಅವು ಬೀಡಾಡಿ ದನಗಳಾಗುತ್ತವೆ. ಇವುಗಳ ಉಳಿವಿಗಾಗಿ ‘ಕ್ಯಾತನ ಮಕ್ಕಿ’ ಯಂತೆ ಅಲ್ಲಲ್ಲಿ ಬಯಲು ಗೋಶಾಲೆಗಳು ಪ್ರಾರಂಭ ಆಗಬೇಕು. ಅಲ್ಲಿ ನಿರ್ವಾಹಕರಿಗೆ ವೇತನ ನೀಡಬೇಕು. ಅಲ್ಲಿ ಗೊಬ್ಬರ ತಯಾರಿಸಿ ಮಾರಾಟ ಮಾಡಬೇಕು.

ಜಾನುವಾರು ಗಂಜಲ, ಸಗಣಿ ಖರೀದಿಸಿ ಮಾರುವ ವ್ಯವಸ್ಥೆ ತಾಲ್ಲೂಕು ಮಟ್ಟದಲ್ಲಿ ಆಗಬೇಕು. ಇದರಿಂದ ಜನರಿಗೆ ಆರ್ಥಿಕವಾಗಿ ಲಾಭವಾಗುವುದರ ಜೊತೆಗೆ ಜಾನುವಾರು ಉಳಿವಿಗೂ ಸಹಾಯ ಆಗಬಹುದು.