ಮುಂಬೈ: ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಮದುವೆಯಾಗಲಿದ್ದಾರೆ ಎಂಬ ವದಂತಿ ಹಬ್ಬಿರುವ ನಡುವೆಯೇ ಅನುಷ್ಕಾ ಮತ್ತವರ ಕುಟುಂಬ ಸದಸ್ಯರು ದೊಡ್ಡ ದೊಡ್ಡ ಬ್ಯಾಗ್ಗಳೊಂದಿಗೆ ಗುರುವಾರ ರಾತ್ರಿ ಮುಂಬೈನ ಛತ್ರಪತಿ ಶಿವಾಜಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದಾರೆ.
ಅನುಷ್ಕಾ ತಮ್ಮ ತಂದೆ ಅಜಯ್ ಕುಮಾರ್, ತಾಯಿ ಅಶೀಮಾ ಮತ್ತು ಸೋದರ ಕರ್ಣೇಶ್ ಜತೆಗೆ ಮುಂಬೈ ವಿಮಾನ ನಿಲ್ದಾಣಕ್ಕೆ ಬಂದರು. ಈ ವೇಳೆ ಅವರನ್ನು ಸುತ್ತುವರಿದ ಮಾಧ್ಯಮ ಪ್ರತಿನಿಧಿಗಳ ಯಾವ ಪ್ರಶ್ನೆಗಳಿಗೂ ಅನುಷ್ಕಾ ಆಗಲೀ, ಅವರ ಕುಟುಂಬ ಸದಸ್ಯರಾಗಲೀ ಉತ್ತರಿಸಲಿಲ್ಲ.