ಶುದ್ಧ ನೀರಿನ 50 ಘಟಕ ಆರಂಭಿಸಲು ಅನುದಾನ

ಶ್ರೀನಿವಾಸಪುರ ಮತ್ತು ಕುಳ್ಳಯನಪಾಳ್ಯದಲ್ಲಿ ನಿರ್ಮಿಸಿರುವ ಶುದ್ಧ ನೀರಿನ ಘಟಕ ಉದ್ಘಾಟಿಸಿ ಅವರು ಮಾತನಾಡಿದರು.

‘ಆರ್.ಲಕ್ಷ್ಮಯ್ಯ ಮತ್ತು ಕೆ.ಆರ್.ಗೋವಿಂದರಾಜು ಅವರು ಜಮೀನು ದಾನ ನೀಡಿದ್ದರಿಂದ ಗ್ರಾಮಕ್ಕೆ ನೀರಿನ ವ್ಯವಸ್ಥೆ ಕಲ್ಪಿಸಲು ಸಾಧ್ಯವಾಗಿದೆ. ಇದೇ ರೀತಿ ಉಳ್ಳವರು ಉದಾರ ಮನಸ್ಸು ತೋರಿದರೆ ಗ್ರಾಮಗಳು ಅಭಿವೃದ್ಧಿ ಕಾಣು
ವುದರಲ್ಲಿ ಸಂಶಯವಿಲ್ಲ’ ಎಂದರು.

ಜಿಲ್ಲಾ ಪಂಚಾಯಿತಿ ಸದಸ್ಯೆ ಕುಸುಮಾ ಶಿವಮಾದಯ್ಯ, ‘ದೊಡ್ಡಬೆಲೆ ವ್ಯಾಪ್ತಿಯಲ್ಲಿ ₹50 ಕೋಟಿ ವೆಚ್ಚದಲ್ಲಿ ವಿವಿಧ ಕಾಮಗಾರಿ ನಡೆಯುತ್ತಿವೆ. ಈಗಾಗಲೇ ಹಲವೆಡೆ ನೀರಿನ ಘಟಕ ಮತ್ತು ಟ್ಯಾಂಕ್, ಸಿಮೆಂಟ್ ರಸ್ತೆ, ಡಾಂಬರೀಕರಣ ಕಾಮಗಾರಿ ಮುಗಿದಿವೆ’ ಎಂದರು.

ಮನೆ ಮನೆಗೆ ಉಚಿತ ನೀರಿನ ಕ್ಯಾನ್‍ಗಳನ್ನು ವಿತರಿಸಿ ಮಾತನಾಡಿದ ಜಮೀನು ದಾನಿ ಆರ್.ಲಕ್ಷ್ಮಯ್ಯ, ‘ಈ ಭಾಗದಲ್ಲಿ ನೀರಿನ ಅಭಾವದಿಂದ ಜನರು ಪರಿತಪಿಸುತ್ತಿದ್ದರು. ಶಾಸಕರು ಅಗತ್ಯ ಅನುದಾನ ಒದಗಿಸಿದ್ದರಿಂದ ಕುಡಿಯುವ ನೀರು ಒದಗಿಸುವ ಕಾಮಗಾರಿಗಳು ಬಹುತೇಕ ಪೂರ್ಣಗೊಂಡಿವೆ’ ಎಂದರು.
ಶ್ರೀನಿವಾಸಪುರ ಹಾಲು ಉತ್ಪಾದಕ ಸಹಕಾರ ಸಂಘ ಅಧ್ಯಕ್ಷ ಕೆ.ಆರ್.ಗೋವಿಂದರಾಜು, ‘ಅಭಿವೃದ್ಧಿ ಕೆಲಸ ಮಾಡುವ, ಜನರ ಮಧ್ಯೆ ಕೆಲಸ ಮಾಡುವ ಜನಪ್ರತಿನಿಧಿಗಳಿಂದ ಮಾತ್ರ ಗ್ರಾಮ, ಪಟ್ಟಣ ಅಭಿವೃದ್ಧಿ ಸಾಧ್ಯ’ ಎಂದರು.