ಇತ್ತೀಚೆಗೆ ವಿದ್ಯಾ ಬಾಲನ್ ಅಭಿನಯದ ‘ತುಮ್ಹಾರಿ ಸುಲು’ ಸಿನಿಮಾ ಬಿಡುಗಡೆಯಾಗಿದೆ. ಇದರಲ್ಲಿ ವಿದ್ಯಾ ಗೃಹಿಣಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಣ್ಣಗಿದ್ದ ವಿದ್ಯಾ ಬಾಲನ್ ಈಗ ದಪ್ಪಗಾಗಿದ್ದಾರೆ. ಆದರೆ ದೇಹದ ತೂಕ ಹೆಚ್ಚಿರುವ ಬಗ್ಗೆ ವಿದ್ಯಾಗೆ ಬೇಸರವಿಲ್ಲ. ಬದಲಾಗಿ ತನ್ನ ದೇಹದ ಬಗ್ಗೆ ಹೆಮ್ಮೆ ಇದೆ. ತೂಕ ಹೆಚ್ಚಿದ್ದರಿಂದ ‘ಸೆಕ್ಸಿ’ ಪಾತ್ರಗಳು ತಪ್ಪಿದ ಬಗ್ಗೆಯಾಗಲೀ, ಜನರು ಏನು ಹೇಳುತ್ತಾರೆ ಎಂಬ ಬಗ್ಗೆಯಾಗಲೀ ಇವರು ತಲೆಕೆಡಿಸಿಕೊಂಡಿಲ್ಲ.