‘ಕೆಎಂಸಿ ಕಾಯ್ದೆ 1976 ಪ್ರಕಾರ, ಒಂದು ಮಹಡಿಗಿಂತ ಹೆಚ್ಚಿಗೆ ಇರುವ ಕಟ್ಟಡಗಳು ಸ್ವಾಧೀನಾನುಭವ ಪ್ರಮಾಣ ಪತ್ರ ಪಡೆಯಬೇಕು. ಆದರೆ, ವಸತಿ ಕಟ್ಟಡ ಎಷ್ಟೇ ಮಹಡಿ ಹೊಂದಿದ್ದರೂ 5 ಅಡುಗೆ ಕೋಣೆಗಳಿಗಿಂತ ಮೇಲ್ಪಟ್ಟಿದ್ದರೆ ಅಥವಾ ಐದಕ್ಕಿಂತ ಹೆಚ್ಚು ಅಡುಗೆ ಕೋಣೆಗಳು ಒಂದೇ ಮಹಡಿಯಲ್ಲಿ ಇದ್ದರೂ ಒ.ಸಿ ಪಡೆಯುವುದು ಕಡ್ಡಾಯ. ಹಾಗೆಯೇ ವಾಣಿಜ್ಯ ಕಟ್ಟಡ 300 ಚದರ ಮೀಟರ್ಗಿಂತ ಹೆಚ್ಚಿದ್ದರೆ ಈ ಪ್ರಮಾಣಪತ್ರ ಕಡ್ಡಾಯಗೊಳಿಸಿ ಆದೇಶ ಹೊರಡಿಸಲಾಗಿದೆ’ ಎಂದು ಬಿಬಿಎಂಪಿ ಆಯುಕ್ತರು ಸ್ಪಷ್ಟಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಜಲಮಂಡಳಿ ಅಧ್ಯಕ್ಷರು, ಈಗಿನ ಆದೇಶ ಪರಿಷ್ಕರಿಸಲು ಪಾಲಿಕೆ ವಿಶೇಷ ಸಭೆಯಲ್ಲಿ ಸಮ್ಮತಿಸಿದ್ದರು.