ಹೌದು. ಪ್ರತಿ ವರ್ಷದ ಮೊದಲ ದಿನ ಯಾವುದಾದರೂ ಒಂದು ನಿರ್ಧಾರ ತೆಗೆದುಕೊಂಡು ಮರುದಿನವೇ ಮರೆಯುವವರು ಹೆಚ್ಚು. (ಪ್ರಾಯಶಃ ನಿಮ್ಮ ಹೆಸರೂ ಈ ಪಟ್ಟಿಯಲ್ಲಿ ಇರಬಹುದು; 2017ರ ಜನವರಿ ಒಂದರಂದು ಕೈಗೊಂಡ ನಿಮ್ಮ ನಿರ್ಧಾರ ಏನಾಯಿತು ಎಂಬುದನ್ನು ಒಮ್ಮೆ ನೆನಪಿಸಿಕೊಳ್ಳಿ! ) ರಾತ್ರಿ ಬೇಗ ಮಲಗಿ, ಬೆಳಿಗ್ಗೆ ಬೇಗ ಏಳುವ, ಧಾರಾವಾಹಿ ವೀಕ್ಷಣೆ ಕಡಿಮೆ ಮಾಡುವ, ವ್ಯಸನದಿಂದ ಮುಕ್ತಿ ಹೊಂದುವ, ದುಂದುವೆಚ್ಚಕ್ಕೆ ಕಡಿವಾಣ ಹಾಕುವ, ಉಳಿತಾಯವನ್ನು ಹೆಚ್ಚಿಸುವ, ಪ್ರವಾಸಕ್ಕೆ ಹೆಚ್ಚಿನ ಸಮಯ ನೀಡುವ, ವಿಫಲ ಪ್ರೇಮಕ್ಕಾಗಿ ಕಣ್ಣೀರು ಸುರಿಸುವುದನ್ನು ನಿಲ್ಲಿಸುವ, ಕುಟುಂಬದ ಜೊತೆ ಹೆಚ್ಚಿನ ಕಾಲ ಕಳೆಯುವ... ಇಂತಹ ಏನೇನೋ ನಿರ್ಧಾರಗಳು. ಅಂದ ಹಾಗೆ ಹೊಸ ವರ್ಷಕ್ಕೆ ನೀವು ಕೈಗೊಳ್ಳಲಿರುವ ನಿರ್ಧಾರ ಏನು?