ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ವಯಸ್ಸು 6, ಸಂಪಾದನೆ ₹71ಕೋಟಿ!

Last Updated 25 ಡಿಸೆಂಬರ್ 2017, 19:30 IST
ಅಕ್ಷರ ಗಾತ್ರ

ಆರು ವರ್ಷದ ಪುಟಾಣಿ ಬಾಲಕ ಕೇವಲ ಒಂದು ವರ್ಷದಲ್ಲಿ ₹71 ಕೋಟಿ ಸಂಪಾದಿಸಿದ್ದಾನೆ! ಅಮೆರಿಕದ ಈ ಪುಟಾಣಿ ಆಟವಾಡುತ್ತಲೇ ಕೋಟಿಗಟ್ಟಲೆ ಹಣ ಮತ್ತು ಅಭಿಮಾನಿಸುವ ಬಳಗವನ್ನು ಹೊಂದಿದ್ದಾನೆ.

ಈ ಪೋರನ ಹೆಸರು ರ‍್ಯಾನ್. ಈತ ಹೊಸದಾಗಿ ಮಾರುಕಟ್ಟೆಗೆ ಬಿಡುಗಡೆಯಾಗುವ ಆಟಿಕೆಗಳನ್ನು ಪರೀಕ್ಷಿಸುತ್ತಾ ತನ್ನ ಖಾತೆಗೆ ಹಣ ಜಮೆ ಮಾಡಿಕೊಳ್ಳುತ್ತಿದ್ದಾನೆ.

ಈ ಬಾಲಕ ‘ರ‍್ಯಾನ್ ಟಾಯ್ಸ್‌ ರಿವ್ಯೂ’ ಹೆಸರಿನ ಯೂ ಟ್ಯೂಬ್ ವಾಹಿನಿ ನಡೆಸುತ್ತಿದ್ದಾನೆ. ನಿತ್ಯ ಚೆನ್ನಾಗಿ ಅಲಂಕರಿಸಿಕೊಂಡು, ಆ್ಯಂಗ್ರಿ ಬರ್ಡ್‌, ಸೂಪರ್‌ ಹೀರೊನಂತಹ ಕಾರ್ಟೂನ್‌ ಬೊಂಬೆಗಳು, ಲೊಗೊ ಬ್ರಿಕ್ಸ್‌, ರೈಲು, ವಿಮಾನ, ಬಸ್‌... ಹೀಗೆ ಹೊಸದಾಗಿ ಮಾರುಕಟ್ಟೆಗೆ ಬರುವ ಆಟದ ವಸ್ತುಗಳೊಂದಿಗೆ ಆಟವಾಡುತ್ತಾನೆ.

ಆಡುವುದಷ್ಟೇ ಅಲ್ಲ, ಅವು ಹೇಗಿವೆ, ಹೇಗೆ ಕೆಲಸ ಮಾಡುತ್ತಿವೆ, ಗುಣಮಟ್ಟ ಹೇಗಿದೆ ಎಂಬ ವಿವರಗಳನ್ನು ವಿವರಿಸುತ್ತಾನೆ. ಈ ವಿಡಿಯೊಗಳನ್ನು ಯೂಟ್ಯೂಬ್‌ಗೆ ಅಪ್‌ಲೋಡ್‌ ಮಾಡುತ್ತಾನೆ.

ರ‍್ಯಾನ್ ಅಪ್‌ಲೋಡ್‌ ಮಾಡಿದ ವಿಡಿಯೊಗಳನ್ನು ಲಕ್ಷಗಟ್ಟಲೆ ಅಂತರ್ಜಾಲ ಬಳಕೆದಾರರು ನೋಡಿರುವುದರಿಂದ ಜಾಹೀರಾತುಗಳು ಬಂದಿವೆ. ಇದರಿಂದ ಈ ವರ್ಷ ಸುಮಾರು ₹70 ಕೋಟಿ ಹಣ ರ‍್ಯಾನ್ ಖಾತೆಗೆ ಜಮೆಯಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT