3
ಕೇಂದ್ರದ ವಿತ್ತೀಯ ಕೊರತೆ ಮೇಲೆ ವ್ಯತಿರಿಕ್ತ ಪರಿಣಾಮ ನಿರೀಕ್ಷೆ

₹ 50 ಸಾವಿರ ಕೋಟಿ ಹೆಚ್ಚುವರಿ ಸಾಲ: ಕೇಂದ್ರ ಸರ್ಕಾರ ನಿರ್ಧಾರ

Published:
Updated:
X

'ಪ್ರಜಾವಾಣಿ'ಯ ಜಾಲತಾಣವನ್ನು ಹೆಚ್ಚು ಓದುಗ ಸ್ನೇಹಿಯಾಗಿಸುವ ಉದ್ದೇಶದಿಂದ ಹೊಸ ವಿನ್ಯಾಸವನ್ನು ರೂಪಿಸಲಾಗಿದೆ.
ಈ ವಿನ್ಯಾಸದ ಕುರಿತ ನಿಮ್ಮ ಅಭಿಪ್ರಾಯಗಳನ್ನು ಇಲ್ಲಿರುವ ಲಿಂಕ್ ಕ್ಲಿಕ್ಕಿಸುವ ಮೂಲಕ ನಮಗೆ ತಿಳಿಸಬಹುದು

webfeedback@prajavani.co.in
₹ 50 ಸಾವಿರ ಕೋಟಿ ಹೆಚ್ಚುವರಿ  ಸಾಲ: ಕೇಂದ್ರ ಸರ್ಕಾರ ನಿರ್ಧಾರ

ನವದೆಹಲಿ : ಪ್ರಸಕ್ತ ಹಣಕಾಸು ವರ್ಷದಲ್ಲಿ ದೀರ್ಘಾವಧಿ ಸಾಲಪತ್ರಗಳ ಮೂಲಕ ₹ 50 ಸಾವಿರ ಕೋಟಿಗಳನ್ನು ಹೆಚ್ಚುವರಿಯಾಗಿ ಸಂಗ್ರಹಿಸಲು ಕೇಂದ್ರ ಸರ್ಕಾರ ಉದ್ದೇಶಿಸಿದೆ.

ವಿತ್ತೀಯ ಕೊರತೆಯನ್ನು ಒಟ್ಟು ಆಂತರಿಕ ಉತ್ಪನ್ನದ (ಜಿಡಿಪಿ) ಶೇ 3.2ಕ್ಕೆ ಇಳಿಸುವ ಸರ್ಕಾರದ ಗುರಿ ಮೇಲೆ ಈ ನಿರ್ಧಾರವು ವ್ಯತಿರಿಕ್ತ ಪರಿಣಾಮ ಬೀರಲಿದೆ. ಸಾಲ ಪರಿಸ್ಥಿತಿ ಕುರಿತು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಜತೆಗಿನ ಪರಾಮರ್ಶೆ ಸಭೆಯ ನಂತರ 2017–18ನೇ ಹಣಕಾಸು ವರ್ಷಕ್ಕೆ ಮಾರುಕಟ್ಟೆಯಿಂದ ಈ ಹೆಚ್ಚುವರಿ ಸಾಲ ಸಂಗ್ರಹಿಸಲು ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ಒಂದು ವರ್ಷಕ್ಕಿಂತ ಕಡಿಮೆ ಅವಧಿಯ ಸಾಲಪತ್ರಗಳ (ಟ್ರೆಸರಿ ಬಿಲ್‌) ಪ್ರಮಾಣವನ್ನು ಸದ್ಯದ ₹ 86,203 ಕೋಟಿಗಳಿಂದ ₹ 25,006 ಕೋಟಿಗಳಿಗೆ ಇಳಿಸಲೂ ಸರ್ಕಾರ ಮುಂದಾಗಿದೆ. ದೀರ್ಘಾವಧಿ ಸಾಲಪತ್ರಗಳ ಅವಧಿ 5 ವರ್ಷಗಳದ್ದು ಆಗಿರುತ್ತದೆ.

2017–18ನೇ ಸಾಲಿನ ಬಜೆಟ್‌ನಲ್ಲಿ  ಒಟ್ಟು ಸಾಲ (₹ 5.80 ಲಕ್ಷ ಕೋಟಿ) ಮತ್ತು ನಿವ್ವಳ ಸಾಲವನ್ನು (₹ 3.28 ಲಕ್ಷ ಕೋಟಿ) ದೀರ್ಘಾವಧಿ ಸಾಲಪತ್ರಗಳ ಮೂಲಕ ಸಂಗ್ರಹಿಸಲು ಗುರಿ ನಿಗದಿ ಮಾಡಲಾಗಿತ್ತು.

ಪ್ರಸಕ್ತ ಹಣಕಾಸು ವರ್ಷದಲ್ಲಿ ವಿತ್ತೀಯ ಕೊರತೆಯನ್ನು ಜಿಡಿಪಿಯ ಶೇ 3.2ಕ್ಕೆ ನಿಗದಿಪಡಿಸಲು ಸರ್ಕಾರ ಮಿತಿ ವಿಧಿಸಿದೆ. ಹೆಚ್ಚುವರಿ ಸಾಲ ಸಂಗ್ರಹವು ಈ ವಿತ್ತೀಯ ಲೆಕ್ಕಾಚಾರ ತಲೆಕೆಳಗು ಮಾಡಲಿದೆ. ಎರಡು ತಿಂಗಳಲ್ಲಿ ಜಿಎಸ್‌ಟಿ ವರಮಾನ ಸಂಗ್ರಹವೂ ನಿರೀಕ್ಷೆಗಿಂತ ಕಡಿಮೆಯಾಗಿದೆ. ಈ ಹೆಚ್ಚುವರಿ ಸಾಲವು ಈ ಕೊರತೆಯನ್ನು ಭರ್ತಿ ಮಾಡಲು ನೆರವಾಗಲಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry