ಮದುವೆ ಆರತಕ್ಷತೆ ವೇಳೆ ಎ.ಆರ್‌. ರೆಹಮಾನ್‌, ವಿರಾಟ್ ಮತ್ತು ಅನುಷ್ಕಾ ಜೋಡಿ ಜೊತೆ ತೆಗೆಸಿಕೊಂಡ ಫೋಟೊದಲ್ಲಿ ಅವರ ಮುಖ ಹತ್ತಿರದಿಂದ ಫೋಕಸ್‌ ಆಗಿದೆ. ಆದರೆ ‘ವಿರುಷ್ಕಾ’ ಬ್ಲರ್‌ ಆಗಿದ್ದಾರೆ. ದೇಶದೆಲ್ಲೆಡೆ ವಿರುಷ್ಕಾ ಜೋಡಿಯ ಸುದ್ದಿಯೇ ಹೈಲೈಟ್‌. ಆದರೆ ರೆಹಮಾನ್‌ ಅವರ ಫೋಟೊದಲ್ಲಿ ಮಾತ್ರ ರೆಹಮಾನ್‌ ಅವರೇ ಹೈಲೈಟ್‌. ಇದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿರುವ ರೆಹಮಾನ್‌ ಟ್ವೀಟಿಗರಿಂದ ವಿಡಂಬನೆಗೆ ಪಾತ್ರರಾಗಿದ್ದಾರೆ. ಅಭಿಮಾನಿಗಳು ‘ಮದುಮಕ್ಕಳನ್ನೇ ಔಟ್‌ ಆಫ್‌ ಫೋಕಸ್‌ ಮಾಡಿದ್ದೀರ’, ‘ನಿಮ್ಮಲ್ಲಿರೋದು ಕೂಡ ನಮ್ಮಂಥದೇ ಫೋನಾ’ ಎಂದು ಮರುಟ್ವೀಟ್‌ ಮಾಡಿ, ರೆಹಮಾನ್‌ ಅವರ ಕಾಲೆಳೆದಿದ್ದಾರೆ.
