7

ಇದೇ 1ರಿಂದ ಕೃಷಿ ಬೆಲೆ ಅಂದಾಜು ಪಟ್ಟಿ ಪ್ರಕಟ

Published:
Updated:

ಮೈಸೂರು: ರಾಜ್ಯ ಕೃಷಿ ಬೆಲೆ ಅಂದಾಜು ಆಯೋಗವು ಜ.1ರಿಂದ 26 ಕೃಷಿ ಉತ್ಪನ್ನಗಳ 6 ತಿಂಗಳ ಅಂದಾಜು ಬೆಲೆಯನ್ನು ಆನ್‌ಲೈನ್‌ನಲ್ಲಿ ಪ್ರಕಟಿಸಲಿದೆ ಎಂದು ಆಯೋಗದ ಅಧ್ಯಕ್ಷ ಪ್ರಕಾಶ್ ಕಮ್ಮರಡಿ ತಿಳಿಸಿದರು.

’ದೇಶದಲ್ಲೇ ಮೊದಲ ಬಾರಿ ಈ ರೀತಿಯ ಪ್ರಯತ್ನ ಮಾಡಲಾಗುತ್ತಿದೆ. ಇದಕ್ಕಾಗಿ ವೈಜ್ಞಾನಿಕ ವಿಧಾನಗಳನ್ನು ಅನುಸರಿಸಲಾಗಿದೆ. ಮೈಕ್ರೊಸಾಫ್ಟ್‌ ಸಾಫ್ಟ್‌ವೇರ್‌ ಪಡೆಯಲಾಗಿದೆ’ ಎಂದು ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.

‘ಈಗಾಗಲೇ ಉತ್ಪಾದನೆಯಾಗಿ ದಾಸ್ತಾನಿನಲ್ಲಿರುವ ಬೆಳೆಗಳಿಗೆ ಮಾತ್ರ ಈ ಬೆಲೆ ಅನ್ವಯಿಸುತ್ತದೆ. ಇದರಿಂದ ಮಾರುಕಟ್ಟೆಯ ಅಂದಾಜು ಬೆಲೆಯನ್ನು ಗಮನಿಸಿ ಅಗತ್ಯವಿದ್ದಲ್ಲಿ ಮಾರಾಟ ಮಾಡುವ ಅವಕಾಶ ರೈತರಿಗೆ ಸಿಗುತ್ತದೆ. ಮುಂದಿನ 6 ತಿಂಗಳಲ್ಲಿ ಭತ್ತ, ರಾಗಿ, ಕಡಲೆ, ಹತ್ತಿಗೆ ಉತ್ತಮ ಬೆಲೆ ಸಿಗಲಿದೆ ಎಂದು ಈಗಾಗಲೇ ಆಯೋಗವು ವರದಿ ನೀಡಿದೆ’ ಎಂದರು.

‘ರಾಜ್ಯದ 5 ವಿಶ್ವವಿದ್ಯಾಲಯಗಳ ಸಹಾಯ ಪಡೆಯಲಾಗಿದೆ. ವಿ.ವಿಗಳಲ್ಲಿ ಘಟಕಗಳನ್ನು ತೆರೆದು ರೈತರಲ್ಲಿ ಅರಿವು ಮೂಡಿಸಲು ಕರಪತ್ರ ಮುದ್ರಿಸಿ ಹಂಚಲಾಗುವುದು’ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry