ನವದೆಹಲಿ: ವಿವಾದದ ಗೂಡಾಗಿರುವ ಸಂಜಯ್ ಬನ್ಸಾಲಿ ನಿರ್ದೇಶನದ ಪದ್ಮಾವತಿ ಸಿನಿಮಾಗೆ ಯು/ಎ ಪ್ರಮಾಣ ಪತ್ರ ನೀಡಿದ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (ಸಿಬಿಎಫ್ಸಿ) ಶೀರ್ಷಿಕೆಯಲ್ಲಿ ಬದಲಾವಣೆ ತರಲು ಸೂಚಿಸಿದೆ.
ಈಗಿರುವ ಪದ್ಮಾವತಿ ಎಂಬ ಹೆಸರನ್ನು 'ಪದ್ಮಾವತ್' ಎಂದು ಬದಲಾಯಿಸುವಂತೆ ಸಿಬಿಎಫ್ಸಿ ಹೇಳಿದೆ.
ಸಿಬಿಎಫ್ಸಿ ಈ ಬಗ್ಗೆ ಗುರುವಾರ ಸಭೆ ನಡೆಸಿತ್ತು. ಯು/ಎ ಪ್ರಮಾಣ ಪತ್ರ ನೀಡಿದ ಮಂಡಳಿಯು, ಸಿನಿಮಾ ತಂಡ ನೀಡಿದ ಕಥೆ ಹಾಗೂ ಸಂಪನ್ಮೂಲಗಳನ್ನು ಆಧರಿಸಿ ಹೆಸರಿನಲ್ಲಿ ಬದಲಾವಣೆ ತರಲು ತಾಕೀತು ಮಾಡಿದೆ.
ಸಭೆಯಲ್ಲಿ ಮಂಡಳಿ ಅಧ್ಯಕ್ಷ ಪ್ರಸೂನ್ ಜೋಶಿ, ಮಂಡಳಿ ಸದಸ್ಯರು, ಸಿನಿಎಫ್ಸಿ ಅಧಿಕಾರಿಗಳು, ವಿಶೇಷ ಸಲಹಾ ಸಮಿತಿ ಸದಸ್ಯರು ಹಾಜರಿದ್ದರು.
Central Board of Film Certification had examining committee meeting on 28 Dec to review #Padmavati & decided to give it UA certificate along with some modifications & likely change of the title to Padmavat. Certificate to be issued once required & agreed modifications are made. pic.twitter.com/tiFIW2gDGD