ಬುಧವಾರ, ಆಗಸ್ಟ್ 5, 2020
21 °C

ಎನ್‌ಆರ್‌ಸಿ ಮೊದಲ ಕರಡು ಪಟ್ಟಿ ಪ್ರಕಟ: ಅಸ್ಸಾಂನ 1.9 ಕೋಟಿ ಜನರಿಗೆ ಅಧಿಕೃತ ನಾಗರಿಕ ಮಾನ್ಯತೆ

ಪಿಟಿಐ Updated:

ಅಕ್ಷರ ಗಾತ್ರ : | |

ಎನ್‌ಆರ್‌ಸಿ ಮೊದಲ ಕರಡು ಪಟ್ಟಿ ಪ್ರಕಟ: ಅಸ್ಸಾಂನ 1.9 ಕೋಟಿ ಜನರಿಗೆ ಅಧಿಕೃತ ನಾಗರಿಕ ಮಾನ್ಯತೆ

ಗುವಾಹತಿ: ರಾಷ್ಟ್ರೀಯ ನಾಗರಿಕ ನೋಂದಣಿ(ಎನ್‌ಆರ್‌ಸಿ)ಯ ಮೊದಲ ಕರಡು ಪಟ್ಟಿ ಬಿಡುಗಡೆಯಾಗಿದ್ದು, ಅಸ್ಸಾಂನ 1.9 ಕೋಟಿ ಜನರನ್ನು ಅಧಿಕೃತವಾಗಿ ಭಾರತದ ನಾಗರಿಕರು ಎಂದು ಮಾನ್ಯ ಮಾಡಲಾಗಿದೆ.

ಭಾನುವಾರ ಮಧ್ಯರಾತ್ರಿ ಎನ್‌ಆರ್‌ಸಿ ಕರಡು ಪಟ್ಟಿ ಬಿಡುಗಡೆ ಮಾಡಲಾಗಿದೆ. ಒಟ್ಟು 3.29 ಕೋಟಿ ಜನರ ಪೈಕಿ 1.9 ಕೋಟಿ ಜನರನ್ನು ಭಾರತೀಯ ನಾಗರಿಕರೆಂದು ಅಧಿಕೃತವಾಗಿ ಗುರುತಿಸಲಾಗಿದ್ದು, ಉಳಿದ ಹೆಸರುಗಳು ವಿವಿಧ ಹಂತಗಳ ಪರಿಶೀಲನೆಯಲ್ಲಿವೆ ಎಂದು ರೆಜಿಸ್ಟ್ರಾರ್‌ ಜನರಲ್‌ ಆಫ್‌ ಇಂಡಿಯಾ ಶೈಲೇಶ್‌ ಹೇಳಿದರು.

ಪ್ರಸ್ತುತ ಪರಿಶೀಲನೆ ಪೂರ್ಣಗೊಳಿಸಲಾಗದ ನಾಗರಿಕರ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಉಳಿದ ಹೆಸರುಗಳ ಪರಿಶೀಲನಾ ಪ್ರಕ್ರಿಯೆ ಪೂರ್ಣಗೊಳಿಸಿದ ಬಳಿಕ ಮತ್ತೊಂದು ಕರಡು ಪಟ್ಟಿ ಬಿಡುಗಡೆ ಮಾಡುವುದಾಗಿ ತಿಳಿಸಿದರು.

2015ರಲ್ಲಿ ಪ್ರಾರಂಭಿಸಲಾದ ದಾಖಲೆ ಪರಿಶೀಲನಾ ಪ್ರಕ್ರಿಯೆಗಾಗಿ ಅಸ್ಸಾಂನ 68.27 ಕುಟುಂಬಗಳಿಂದ 6.5 ಕೋಟಿ ದಾಖಲೆಗಳು ಸಲ್ಲಿಕೆಯಾಗಿವೆ. ಸುಪ್ರೀಂಕೋರ್ಟ್‌ ಆದೇಶದಂತೆ ಡಿ.31ರೊಳಗೆ ಎನ್‌ಆರ್‌ಸಿ ಮೊದಲ ಕರಡು ಪಟ್ಟಿ ಪ್ರಕಟಿಸಲಾಗಿದೆ.

ಅಸ್ಸಾಂನ ಎನ್‌ಆರ್‌ಸಿ ಸೇವಾ ಕೇಂದ್ರಗಳಲ್ಲಿ ಪಟ್ಟಿ ಲಭ್ಯವಿದ್ದು, ಅಲ್ಲಿನ ನಾಗರಿಕರು ಪಟ್ಟಿಯಲ್ಲಿ ಹೆಸರು ಪರಿಶೀಲಿಸಬಹುದಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.