₹ 10 ಹೊಸ ನೋಟು ಬಿಡುಗಡೆ, ಶೀಘ್ರ ಚಲಾವಣೆಗೆ
ನವದೆಹಲಿ: ₹ 10 ಮುಖಬೆಲೆಯ ಹೊಸ ನೋಟನ್ನು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಬಿಡುಗಡೆ ಮಾಡಿದೆ.
‘ಚಾಕ್ಲೆಟ್ ಕಂದು’ ಬಣ್ಣದ, ಮಹಾತ್ಮ ಗಾಂಧಿ ಸರಣಿಯ ಈ ನೋಟುಗಳು ಬ್ಯಾಂಕ್‌ಗಳಲ್ಲಿ ಶೀಘ್ರವೇ ಲಭ್ಯವಾಗಲಿವೆ. ಈಗ ಚಲಾವಣೆಯಲ್ಲಿರುವ ₹ 10ರ ನೋಟುಗಳು ಮುಂದೆಯೂ ಚಲಾವಣೆಯಲ್ಲಿ ಇರಲಿವೆ ಎಂದು ಆರ್‌ಬಿಐ ಹೇಳಿದೆ.
* ದೇವನಾಗರಿ ಲಿಪಿಯಲ್ಲಿ ₹ 10 ಎಂದು ಮುದ್ರಿತವಾಗಿರುತ್ತದೆ
* ನೋಟಿನ ಮಧ್ಯಭಾಗದಲ್ಲಿ ಮಹಾತ್ಮ ಗಾಂಧಿಯ ಚಿತ್ರ
* ಭಾರತ ಮತ್ತು ಆರ್‌ಬಿಐ ಎಂದು ಮುದ್ರಿತವಾಗಿರುವ ಲೋಹದ ಪಟ್ಟಿ
* ಆರ್‌ಬಿಐನ ಚಿನ್ಹೆ ಮತ್ತು ಗವರ್ನರ್ ಘೋಷಣೆ–ಸಹಿ
* ರಾಷ್ಟ್ರ ಲಾಂಛನ
* ಅರ್ಧ ಲಿಪಿಯಲ್ಲಿ 10 ಸಂಖ್ಯೆ
* ಓರೆಯಾಗಿ ನೋಡಿದಾಗ ಮಾತ್ರ ಕಾಣುವ ಮಹಾತ್ಮ ಗಾಂಧಿ ಚಿತ್ರ ಮತ್ತು 10
* ಸಣ್ಣದರಿಂದ ದೊಡ್ಡದಾಗುತ್ತಾ ಹೋಗುವ ನೋಟಿನ ಕ್ರಮಸಂಖ್ಯೆ
* ಎಡಭಾಗದಲ್ಲಿ ನೋಟು ಮುದ್ರಣವಾದ ವರ್ಷದ ಮಾಹಿತಿ
* ಸ್ವಚ್ಛ ಭಾರತ ಚಿನ್ಹೆ ಮತ್ತು ಲಾಂಛನ
* ಭಾಷಾ ಪಟ್ಟಿ
* ಕೋನಾರ್ಕದ ಸೂರ್ಯ ದೇವಾಲಯದ ಚಕ್ರದ ಚಿತ್ರ
* ದೇವನಾಗರಿ ಲಿಪಿಯಲ್ಲಿ ಮುದ್ರಿತವಾಗಿರುವ ₹ 10
* 63 ಮಿಲಿಮೀಟರ್ ಉದ್ದ
* 123 ಮಿಲಿಮೀಟರ್ ಅಗಲ
ಆಧಾರ: ಭಾರತೀಯ ರಿಸರ್ವ್ ಬ್ಯಾಂಕ್‌ನ ಅಧಿಸೂಚನೆ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.