ವಾಷಿಂಗ್ಟನ್: ಪಾಕಿಸ್ತಾನವು ತಾಲಿಬಾನ್ ಮತ್ತು ಹಖಾನಿ ಜಾಲದ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳದಿದ್ದರೆ ನೆರವು ಸ್ಥಗಿತಗೊಳಿಸುವುದಾಗಿ ಅಮೆರಿಕ ಎಚ್ಚರಿಸಿದೆ.
ಅಮೆರಿಕವು ಪಾಕಿಸ್ತಾನಕ್ಕೆ ₹ 12 ಸಾವಿರ ಕೋಟಿ (2 ಬಿಲಿಯನ್ ಡಾಲರ್) ಸೇನಾ ನೆರವನ್ನು ತಡೆ ಹಿಡಿದಿರುವ ಬೆನ್ನಲ್ಲೇ ಶ್ವೇತ ಭವನದಿಂದ ಈ ಎಚ್ಚರಿಕೆ ಹೊರಬಿದ್ದಿದೆ.
ಪಾಕಿಸ್ತಾನವು ತಾಲಿಬಾನ್, ಹಖಾನಿ ಜಾಲ ಸೇರಿದಂತೆ ಎಲ್ಲಾ ಉಗ್ರ ಸಂಘಟನೆಗಳಿಗೆ ಸುರಕ್ಷಿತ ಅಡಗುದಾಣವಾಗಿದೆ ಎಂದಿರುವ ಅಮೆರಿಕ ಈ ಅಡಗುದಾಣಗಳನ್ನು ತೆರವುಗೊಳಿಸಬೇಕು ಎಂದು ಎಚ್ಚರಿಕೆ ನೀಡಿದೆ.
‘ಮುಂಬರುವ ದಿನಗಳಲ್ಲಿ ಪಾಕಿಸ್ತಾನಕ್ಕೆ ನೆರವು ಸ್ಥಗಿತಗೊಳಿಸುವ ಮಸೂದೆಯನ್ನು ನಾನು ಮಂಡಿಸಲಿದ್ದೇನೆ. ಇದರಿಂದ ಪಾಕಿಸ್ತಾನಕ್ಕೆ ಹೋಗುವ ಹಣ ನಮ್ಮ ದೇಶದ ರಸ್ತೆ, ಸೇತುವೆ ನಿರ್ಮಾಣದ ಮೂಲಸೌಕರ್ಯ ನಿಧಿಗೆ ಬಳಕೆಯಾಗಲಿದೆ’ ಎಂದು ಅಮೆರಿಕದ ಸೆನೆಟರ್ ರ್ಯಾಂಡ್ ಪೌಲ್ ಹೇಳಿದ್ದಾರೆ.
I’m introducing a bill to end aid to Pakistan in the coming days. My bill will take the money that would have gone to Pakistan and put it in an infrastructure fund to build roads and bridges here at home. pic.twitter.com/SHlA00rWEd