ಸೂಚನಾ ಫಲಕ, ರಸ್ತೆಉಬ್ಬು ನಿರ್ಮಾಣಕ್ಕೆ ಆಗ್ರಹ

ರಾಜ್ಯ ಹೆದ್ದಾರಿ ಸೇರುವ ಗ್ರಾಮೀಣ ರಸ್ತೆಗಳಾದ ಸೊರಟೂರ, ಬಸಾಪುರ, ಶೀತಾಲಹರಿ ಹಾಗೂ ಪಟ್ಟಣ ಪ್ರವೇಶಿಸುವ ವಾಲಿಯವರ ಮಸಾರಿ ಹತ್ತಿರದ ರಸ್ತೆಗಳನ್ನು ಈಚೆಗೆ ಅಭಿವೃದ್ದಿಪಡಿಸಲಾಗಿದೆ. ಇವುಗಳಿಗೆ ರಸ್ತೆ ಅಡತಡೆ ಹಾಕಿಲ್ಲ. ಹೀಗಾಗಿ ವಾಹನ ವೇಗವಾಗಿ ರಾಜ್ಯ ಹೆದ್ದಾರಿಗೆ ಸೇರುತ್ತದೆ.

ಹೀಗಾಗಿ ವಾಹನಗಳ ಮಧ್ಯೆ ಅಪಘಾತ ಸಂಭವಿಸಿ ಮೂರು ಜನ ಗಂಬೀರವಾಗಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ.ಇಂತಹ ಘಟನೆಗಳು ಮೇಲಿಂದ ಮೇಲೆ ನಡೆದಿದ್ದರೂ ಸಂಬಂಧಿಸಿದವರು ಇತ್ತ ಗಮನ ಹರಿಸಿಲ್ಲ ಎಂದು ಜೆಡಿಎಸ್ ಮುಖಂಡ ದತ್ತು ಯಳವತ್ತಿ ಆಗ್ರಹಿಸಿದ್ದಾರೆ. ಈ ಕುರಿತು ಪಿಡ್ಲೂಡಿ ಎಂಜನಿಯರ್ ಪ್ರತಿಕ್ರಿಯಿಸಿ ಸಮಸ್ಯೆಗೆ ಶೀಘ್ರ ಪರಿಹಾರ ಕಂಡುಕೊಳ್ಳಲಾಗುವುದು ಎಂದು ತಿಳಿಸಿದರು.